Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shkoi në Angli me kamion, “Forbes” rendit shqiptaren si një ndër sipërmarrëset më të suksesshme në Evropë

Politiko 8 Mars 2023, 09:20

Shkoi në Angli me kamion, “Forbes” rendit shqiptaren si

Revista prestigjioze amrikane “Forbes” ka publikuar listën e 30 sipërmarrësve më të suksesshëm nën moshën 30 vjeç për Evropën. Në mesin e sipërmarrësve më të suksesshëm është edhe shqiptarja, Kristiana Çela.

E njohur në platformat e rrjeteve sociale si Krissy Çela, ajo renditet në mesin e të rinjve më të suksesshëm dhe me potencial për të transformuar shoqërinë dhe bzinesin. Në profilin e saj në Instagram, teksa ka shpërndarë renditjen e “Forbes”, Kristiana ka treguar se ka mbërritur në Britaninë e Madhe me një kamion të mbushur me banane bashkë me familjen e saj.

“Disa prej jush mund ta dinë dhe të tjerët mund të mos e dinë, por kjo nuk ndodhi brenda natës. Unë jam një refugjate femër që kam emigruar në Britaninë e Madhe nga Shqipëria në pjesën e pasme të një kamioni me banane me familjen time mbi 20 vjet më parë.

Falënderoj çdo ditë prindërit e mi që morën rrezikun më të madh të jetës së tyre për të më dhënë mundësinë dhe privilegjin që edhe të mund të bëj atë që bëj sot. Ju dua te dyve!”, ka shkruar Kristiana.

Aplikacioni që ajo ka quhet “EnvolveYou” dhe është një biznes i ndërtuar nga shqiptarja dhe miku i saj. Kjo ide biznesi gjeneron të ardhura deri në 34 milionë dollarë në vit dhe ka më shumë se 80,000 anëtarë të abonuar mujor. Ajo i ka adresuar një mesazh edhe të gjithëve emigrantëve shqiptarë të cilët nuk besojnë se një ditë do t’ia dalin.

“Unë hyra në palestër pa asnjë qëllim për të rritur një komunitet prej 6 milionë femrash në mbarë botën. Jack dhe unë lançuam aplikacionin @evolveyou me shpresën për të ndihmuar gratë të ndërtojnë forcë mendore dhe fizike! E dija që do të ishe i mrekullueshëm, i besova fort zorrës sime. E dija se ardhja nga dhoma jonë e gjumit në një zyrë të vogël dhe tani në një komunitet global prej afro 100 mijë femrash do të ishte e mundur, nuk dyshova tek ne për asnjë sekondë! E dija sepse qëllimi ynë ka qenë gjithmonë t'i bëjmë gratë të besojnë se është e mundur!

Pra, ja ku jemi tani, duke u rritur dhe përmirësuar çdo ditë. Çfarë bekimi të di se zgjohem çdo ditë dhe shoh gra të tjera që bëjnë një ndryshim të madh në jetën e tyre me ndihmën e një produkti që kemi ndërtuar.

Faleminderit, faleminderit, një falënderim i madh që besuat tek ne. Për të na zgjedhur dhe thjesht për të besuar në këtë vision. Së fundi, për çdo refugjat që e lexon këtë… mos guxo të heqësh dorë”, ka përfunduar Kristiana Çela.