Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Shpërblehen 4 deputetë të opozitës së re që bashkonin votat me mazhorancën, Rama i kandidon në listat e PS

Politiko 22 Shkurt 2021, 18:49

Shpërblehen 4 deputetë të opozitës së re që

Kryeministri Edi Rama iu përgjigj sot interesit të gazetarëve nëse në listat e PS do të përfshihen edhe deputetë të opozitës parlamentare.

Rama e la të hapur si mundësi duke u shprehur se PS e ka derën e hapur për të rinj që duan të angazhohen në politikë, duke shtuar se njerëzit me eksperiencë do të kenë vendin e tyre.

Dy muaj para zgjedhjeve, këtë të hënë është konfirmuar se dy nga deputetët e opozitës së re, të cilët do të kandidojnë nën siglën e Partisë Socialiste janë Ylli Shehu, ish-deputet i LSI-së dhe Reme Lala, e cila e mori mandatin e saj nën siglën e PDIU-së në Dibër.

Madje, emrat e tyre pritet të renditen në qarkun e Tiranës.

Megjithatë lista e opozitarëve që do të kandidojnë nën siglën e Partisë Socialiste është edhe më e gjatë.

Një tjetër deputete e dalë nga listat e Lëvizjes Socialiste për Integrim u largua më herët nga kjo forcë politike për t’iu bashkuar Partisë Socialiste.

Bëhet fjalë për deputeten Ediola Braha, e cila përfaqëson elektoratin e Tepelenës. Lajmin e njoftoi drejtuesi politik i qarkut të Gjirokastrës, për Partinë Socialiste, Bledi Çuçi, sipas të cilit LSI “po shkon drejt shkërmoqjes totale dhe më 25 prill do të marrë goditjen finale”.

Po ashtu, Edmond Rrushi, deputeti i opozitës parlamentare i ardhur po ashtu nga lista e LSI-së do të drejtojë fushatën e PS në njësitë administrative Zall Bastar, Zall Herr, Bërxull dhe një pjesë të qendrave të votimit në Laprakë.

Në një intervistë për report tv, edhe deputeti i opozitës parlamentare, Nimet Musai ka shprehur dëshirën e tij për të garuar si deputet nën listën e Partisë Socialiste. Sipas tij, Partia Socialiste është mundësi e mirë drejt Kuvendit.

Me ndryshimet e fundit në Kod Zgjedhor, për deputetët pa parti, hyrja sërish në Kuvend do të ishte pothuajse e pamundur.

Kujtojmë se e ashtuquajtura opozita parlamentare ka bashkuar vazhdimisht votat me mazhorancën në votimin e ligjeve dhe projektligjeve, të akuzuar shpesh për pazare.  

Të fundit