Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shporta e ushqimeve njësoj si karburanti, si përcaktohet çmimi i 4 produkteve nga bordi

Politiko 7 Prill 2022, 19:57

Shporta e ushqimeve njësoj si karburanti, si përcaktohet çmimi

Bordi i Transparencës përcaktoi një ditë më parë çmimet për produktet e shportës vaj, miell, oriz dhe sheqer. Përcaktimi i çmimeve tavan bëhet mbi bazën e monitorimit të bordit në tregun e shumicës dhe pakicës.

Drejtori i Politikave Fiskale, Niko Lera, tha për Top Channel se çmimet e shportës së prdukteve do të diktohen sikurse edhe për karburantet, nga tregjet e huaja. Që do të thotë se nëse rritet çmimi në tregjet e huaja, atëherë rritja do të reflektohet edhe në vendin tonë.

“Lufta ka krijuar problematikat e veta, operatorët janë duke kërkuar gjetjen e tregjeve të reja. Bordi do të monitorojë në mënyrë të vazhdueshme ndryshimin e këtyre çmimeve në tregun ndërkombëtar. Që do të thotë se nëse këto çmime do të rriten, do të rriten patjetër edhe në vendin tonë sepse kostot e blerjes së tyre do të rriten për kompanitë, por nëse do të ulen, edhe bordi do i rishikojë në ulje”, tha Lera.

Ai shpjegoi edhe procedurat që bordi ndjek për të përcaktuar çmimet e shportës së produkteve, dhe konkretisht për katër prej tyre.

“Kemi marrë në konsideratë markat bazë, 4-5, importuesit kryesor, importet e tyre në 10 ditët e fundit, me çfarë çmimi e kanë blerë sipas faturave, shpenzimet operative dhe ka rezultuar një çmim i ponderuar për kompanitë që importojnë rreth 90% të sasisë”, shtoi Lera.

Drejtori i Politkave Fiskale pohoi se në bazë të kontrollit dhe monitorimit të tregjeve, nuk përjashtohet mundësia që bordi të përfshijë edhe produkte të tjera.

Të fundit