Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shqipëria dhe Kosova hapin pikën e re kufitare Shishtavec-Krushevë

Politiko 16 Prill 2022, 12:20

Shqipëria dhe Kosova hapin pikën e re kufitare

Shqipëria dhe Kosova kanë tashmë një pikë të re të përbashkët kufitare në Shishtavec-Krushevë, e cila u hap sot. Hapja e pikës kufitare, u bë pas marrëveshjes së nënshkruar mes dy qeverive, në nëntor të vitit të shkuar.

Të pranishëm në ceremoninë e hapjes së pikës kufitare, ishte ministri i Brendshëm Bledi Çuçi, dhe homologu i tij nga Kosova Xhelal Sveçla, si edhe drejtues të Policisë së Shqipërisë dhe Kosovës.

“Në axhendën tonë të përbashkët të filluar me nënshkrimin e tre marrëveshjeve, ky është një nga hapat e rëndësishëm të jetësimit të këtyre marrëveshjeve. Duhet ta konsiderojmë një vend, jo të huaj, por një vend që përkohësisht kemi disa regjime që na e ndërlikojnë pak lëvizshmërinë, por shumë shpejt ne do t’i heqim dhe jam besimplotë se brezi jonë do ta jetojë dhe do ta shijojë këtë vizion që kemi në mendje dhe në vullnetin e dy qeverive në Shqipëri dhe Kosovë”, tha ministri Çuçi.

Ministri Sveçla u shpreh në fjalën e tij tha se hapja e pikës së kufitare, është dëshmi e vullnetit të dy qeverive për të kapërcyer kufirin mes dy vendeve.

“Deri sot kjo pikë kufitare ka qenë e kategorisë C. Nga sot kalon në kategorinë B. Kjo do të thotë se nga një punë me orar, tashmë do të kemi një pikë kufitare që do t’i shërbejë qytetarëve 24/7. Duke kaluar në kategorinë B do të kemi një pikë kufitare që do t’u shërbejë edhe shtetasve të vendeve të treta”, tha ministri Sveçla.

 

Të fundit