Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shqipëria me çmimin më të lartë të energjisë elektrike në rajon, 9.37 € për 100 kWh

Politiko 29 Prill 2022, 14:31

Shqipëria me çmimin më të lartë të

Edhe pse Shqipëria ka burimet më të shumta natyrore për prodhimin e energjisë elektrike të tilla si uji, dielli dhe era, familjet tona paguajnë fatura të larta mujore për konsumin e elektricitetit në raport me vendet e tjera në Rajon.

Shqipëria u rendit si vendi me çmimin më të lartë në Rajon pas Malit të Zi, sipas Eurostat për vitin 2021.

Të dhënat tregojnë se familjet shqiptarë paguajnë 9.37 euro për 100 kilovat të harxhuara nga 9.74 euro që paguajnë familjet në Malin e Zi. Familjet në Bosnjë paguajnë 8.68 euro për kilovat/orë, në Maqedoninë e Veriut, 8.4, në Serbi 8.11, në Turqi, 7.88, ndërsa çmimet më të ulëta ofrohen në Kosovë me vetëm 6.07 euro për kilovat-orë.

Fatura e energjisë për familjet shqiptare do të shtrenjtohet me tej në këtë vit, si rrjedhojë e një nismë për të rritur çmimin e energjisë për familjet që konsumojnë mbi 700 kilovat/orë në muaj.

Në gjysmën e dytë të vitit 2021, çmimet mesatare të energjisë elektrike shtëpiake në BE u rritën ndjeshëm krahasuar me të njëjtën periudhë të vitit 2020 (21,3 € për 100 kWh), duke qëndruar në 23,7 € për 100 kWh.

Çmimet mesatare të gazit në BE u rritën gjithashtu krahasuar me të njëjtën periudhë të 2020 (7,0 € për 100 kWh) në 7,8 € për 100 kWh në gjysmën e dytë të 2021. Kohët e fundit, çmimet e shitjes me shumicë për energjinë elektrike dhe gazin janë rritur ndjeshëm në të gjithë BE-në . Kostot e energjisë dhe furnizimit, të shkaktuara nga disa faktorë ekonomikë, kanë ndikuar kryesisht në rritjen./ Monitor

Të fundit