Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

E-TJERA

Shqipëria përballë tërmetit dhe pandemisë, Mark Marku: Treguan se shteti ligjor nuk ekziston

Politiko 26 Nëntor 2020, 18:27

Shqipëria përballë tërmetit dhe pandemisë, Mark Marku:

Një vit pas tërmetit të 26 nëntorit, pedagogu Mark Marku deklaron se krizat e mëdha nxjerrin në pah dobësitë e shtetit.

I ftuar në rubrikën ‘Opinion’ në ‘News24’, Marku deklaron se vendi ynë përballë dy ngjarjeve si tërmeti dhe pandemia treguan se shteti ligjor nuk ekziston.

“Vendi ka kaluar 2 ngjarje të forta brenda 1 viti. Siç ishte tërmeti dhe pandemia. Tërmeti bëri “vetting-un” e ndërtimeve. Krizat e mëdha tregojnë dhe dobësitë më të mëdha të shtetit. Siç ishte rasti i tërmetit. Shteti nuk ekziston.

Qytetari shqiptar, qoftë në katastrofa, qoftë në probleme individuale, përballet me probleme. Qytetari është i pambrojtur nga shtetit, kjo është drama më e madhe për shqiptarët. Disa gjëra trashëgohen nga një forcë politike në tjetrën. Ajo çka nuk funksionon në Shqipëri, është marrëdhënia mes qytetarit dhe shtetit. Qytetari është një qenie pasive, shtetin e ka si një fatkeqësi natyrore, që nuk mund ta ndryshojë. Edhe qytetari i shmanget detyrimeve të tipit ligjor, dhe nuk e ndjen dhe është i distancuar nga shtetit, pasi e mendon si një fatalitet të natyrës.

E vetmja gjë që mund të ndryshojmë është qeveria dhe marrëdhënia me të. Deri sa të ndryshojë ky fatalizëm, e kemi të vështirë për të avancuar drejt shoqërive moderne. Një akt i thjesht i këtij ndryshimi është vota. Qytetarët shqiptarë mendojnë në mënyrë fataliste se qeverisjen nuk mund ta ndryshojnë. Përvoja historike ka treguar se sado e fortë që të jetë një qeveri apo agresive, është përmbysur. Në sfond të çdo demokracia qëndron dhuna.

Në momentin kur krijohen këto raporte historike, ku një kast politike nuk pranon që të lërë pushtetin, menjëherë lind ky reagim. Sa më pak shanse të kenë qytetarët, aq më i mundshëm është shpërthimi”, tha Marku.