Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Shqipëria po shkon drejt asgjësimit të blegtorisë”, ish-ministri: Qeveria po i çrrënjos fermerët

Politiko 14 Korrik 2025, 20:56

“Shqipëria po shkon drejt asgjësimit të

Ish-ministri i Bujqësisë, Edmond Panariti, ngriti alarmin për situatën e blegtorisë në vend, duke akuzuar qeverinë për politika shkatërruese ndaj sektorit.

Sipas tij, nëse vazhdon ky trend, vendi do të shkojë drejt asgjësimit të blegtorisë.

Panariti tha se Shqipëria ka qenë një vend blegtoral dhe bujqësor, dhe asnjëherë industrial. Megjithatë, sipas tij, qeveria po i çrrënjos blegtorët në mënyrë të programuar përmes përjashtimit nga tregu, mungesës së financimeve dhe taksave të larta.

“Aktualisht Shqipëria ka 226 mijë krerë lopë, ndërkohë që në 2017, unë kam qenë ministër në atë kohë, kam qenë në detyrë, ka pasur 490 mijë krerë lopë, tani bëjini llogaritë vetë se ku jemi.

Po vazhdoi ky trend ne do të shkojmë drejt asgjësimit të blegtorisë.

Po goditet rëndë në mënyrë asgjësuese prodhimi vendas dhe kush është qëllimi i një qeverie patriote? Është që të mbajë vendin me blegtori, me prodhim blegtoral, të mbajë bizneset e vogla dhe të mesme, ata në mënyrë tradicionale prej mijëra vjetësh kanë jetuar, se ky vend ka qenë aq vend blegtoral… nuk ka qenë ndonjëherë industrial, vend bujqësor dhe blegtoral.

Por ti po i çrrënjos blegtorët sepse në mënyrë të programuar, nëpërmjet përjashtimit nga tregu, nëpërmjet mosfinancimit, nëpërmjet taksave të larta, i thua ik, nuk je ti partneri im, se unë i kam gjetur linjat e mia të furnizimit që janë qumështi që vjen nga Maqedonia e Veriut, nga Serbia, qumështi pluhur që vjen nga Hollanda, që vjen nga Çekia“, tha Panariti në Syri TV.

Të fundit