Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

“Shqipëria zonë me incidencë të lartë të Covid-19”, nga 24 janari testim i detyruar kush udhëton drejt Gjermanisë

Politiko 22 Janar 2021, 17:21
“Shqipëria zonë me incidencë të lartë të
Foto ilustruese nga ambasada gjermane ne Tirane

Prej ditës së diel, kushdo që udhëton nga Shqipëria drejt Gjermanisë do të jetë i detyruar të ketë me vete edhe testin për Covid-19.

Ky është vendimi më i fundi i njohur nga ambasada gjermane në Tiranë, pasi Qeveria Federale ka klasifikuar sot 25 vende në mbarë botën si zona me incidencë të lartë të Covid-19, zona ku bën pjesë edhe Shqipëria.

Sipas ambasadës, personat që udhëtojnë drejt Gjermanisë apo ata që kthehen në Gjermani nga Shqipëria duhet kësisoj të mbajnë parasysh tre kritere: Hyrje vetëm me testim negativ, 10 ditë karatinë e detyruar në Gjermani dhe regjistrimi i hyrjes (www.einreiseanmeldung.de). 

"Qeveria Federale ka klasifikuar sot 25 vende në mbarë botën si zona me incidencë të lartë të Covid-19, këtu bën pjesë edhe Shqipëria.

Që prej ditës së diel është në fuqi detyrimi i testimit përpara hyrjes në Gjermani: Personat mbi gjashtë vjeç që udhëtojnë drejt Gjermanisë dhe që në dhjetë ditët e fundit përpara hyrjes në Gjermani kanë qëndruar në një zonë me incidencë të lartë (p.sh. në Shqipëri) duhet që në momentin e hyrjes në Gjermani të kenë me vete dokumentin që provon testimin negativ nga infeksioni me Corona Virus SARS-CoV-2 (test PCR ose Antigenesh) dhe ta paraqesin, nëse u kërkohet, si përpara autoriteteve ashtu edhe përpara agjencisë së udhëtimit përpara nisjes së tij. Kjo rregullore vlen njësoj si për shtetas gjermanë ashtu edhe ata të kombësive të tjera.

Në çdo rast testi nuk duhet të jetë bërë më herët se 40 orë përpara hyrjes në Gjermani (prej momentit të marrjes së materialit).Dokumenti me rezultatin e testimit duhet të jetë në formë të printuar ose elektronike në gjermanisht, anglisht ose frëngjisht. Rezultati i testimit duhet të ruhet për një periudhë të paktën dhjetë-ditore pas hyrjes në Gjermani.

Personat që udhëtojnë drejt Gjermanisë apo ata që kthehen në Gjermani nga Shqipëria duhet kësisoj të mbajnë parasysh tre kritere:

- Hyrje vetëm me testim negativ

- 10 ditë karatinë e detyruar në Gjermani

- Regjistrimi i hyrjes (www.einreiseanmeldung.de)", njofton ambasada gjermane në Tiranë. 

Po ashtu, duke filluar nga 26 janari, edhe pasagjerët që udhëtojnë drejt Shteteve të Bashkuara të Amerikës, duhet të paraqesin një rezultat negativ testi COVID-19 ose prova që e kanë kaluar COVID-19 përpara udhëtimit.

Të fundit