Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shqiponja, simboli ynë kombëtar qëllohet me armë zjarri, organizata e ruajtjes së mjedisit publikon fotot

Politiko 18 Shkurt 2021, 17:39

Shqiponja, simboli ynë kombëtar qëllohet me armë zjarri,

Pak ditë më parë, stafi i ADZM Berat informoi mbi gjetjen e një shqiponjë mali në Skrapar e cila më pas u përcoll prej tyre në Qendrën e Rehabilitimit të Shpendëve të Egër në Parkun Kombëtar Divjakë-Karavasta. Analiza grafike e kryer nga ADZM Fier, konfirmoi dyshimet se shpendi ishte i plagosur dhe i paaftë për fluturim. Grafia tregoi se trupi i Shqiponjës së Malit ishte i mbushur me saçme ndërsa krahu i djathtë rezulton i thyer, çka ngre dyshimet se shpendi është qëlluar për t’u kapur e përdorur si objekt tregtie.

Shqiponja, simboli ynë kombëtar qëllohet me armë zjarri,

Organizata e Ruajtjes së Mjedisit AOS-Albanian Ornithological Society reagon duke ngritur dyshime të forta se kemi të bëjmë me një viktimë të pastër të brakonazhit me qëllim tregtinë e paligjshme të kafshëve të egra. Që të dy veprimet janë rreptësisht të ndaluara dhe duhet të penalizohen.

Shqiponja, simboli ynë kombëtar qëllohet me armë zjarri,

“Shqiponja e malit, ky simbol kombëtar, shpend madhështor i maleve tona, është pikërisht ai që na jep krenarinë dhe identitetin kombëtar. Ndaj ky rast i goditjes apo i tregtimit të Shqiponjës së malit saj nuk është thjesht një vrasje apo tregti tjetër që duhet kaluar në heshtje. Është vrasje dhe përdhosje e simbolit tonë kombëtar ndaj dhe duhet që autoritetet përgjegjëse ta marrin rastin tepër serizosht dhe ta hetojnë sikurse hetohet cdo krim i rëndë.

Ky krim është akoma më i rëndë se çka paraqitet nëse marrim parasysh se në 20 vitet e fundit, popullata e Shqiponjës së malit ka pësuar rënie drastike. Nëse në fillimin e viteve 2000, BirdLife International raporton 50-150 çifte të Shqiponjës së malit, Atlasi i Shpendëve Folezues të Europës raporton në 2020 për vetëm 25-63 çifte folezues.

Autoritetet duhet të reagojnë me hetimin dhe ndjekjen e menjëhershme të këtij rasti që ky lajm i trishtë të mos përdoret vetëm për të njollosur Shqipërinë. Por ata duhet të reagojnë dhe për rimëkëmbjen e simbolit tonë kombëtar që po rrezikon të zhduket nga memoria historike. Vite të shumta të përndjekjes, vrasjes, rrëmbimit të të vegjëlve, helmimit dhe për shqetësimit të habitateve folezuese po e zhdukin simbolin tonë. Kjo humbje nuk ka cmim sepse ruajtja e memories historike është më e rëndësishme se cdo gjë.

Nesë nuk veprohet sot, nesër askush nuk do të flasë më për lidhjen simbolike të kombit tonë me Shqiponjën e malit dhe shqiptarët mund të quhen cdo gjë vec jo bijtë e Shqipes Krenare!”, reagon organizata AOS-Albanian Ornithological Society.