Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Shqiptarët e drogës në Ekuador, zyrtari i policisë: Nuk pranojnë kombësi të tjera, janë rrjet i mbyllur

Politiko 21 Tetor 2022, 14:04

Shqiptarët e drogës në Ekuador, zyrtari i policisë: Nuk

Deri tani në Ekuador janë kapur afro 158 ton drogë, një rritje e lartë krahasuar me sasinë e kapur në vitin 2020 dhe 2021. Bazuar në një raport të OKB, Ekuadori renditet si vendi i tretë me sasinë më të lartë të kokainës së sekuestruar në periudhën e pandemisë.

Në një intervistë për Eurovisa.com, drejtori i ri i Policisë Kundër Narkotikëve dhe ish-drejtori i SNAI, Pablo Ramirez, dha detaje nga lufta kundër trafikut të drogës, teksa ju referua edhe rolit të shqiptarëve.

Ramirez tha se bandat shqiptarët kanë filluar të bëhen pjesë e trafikut të drogës nga viti 2017, të cilët rezultojnë të jenë njerëz me njohuri në trafikun e drogës që vijnë nga vendet e ndryshme evropiane.

“Që nga viti 2017 kemi filluar të shfaqim veçori të caktuara jo vetëm të vdekjeve të dhunshme apo tentativave për vdekje të dhunshme të personave me kombësi shqiptare. Nëpërmjet hetimeve kemi konstatuar se janë inkorporuar ky lloj i personave që vijnë nga jashtë me njohuri në pjesën evropiane të këtij lloji të akteve të paligjshme që tentojnë të marrin portet dhe të shfrytëzojnë mundësinë për të kontaminuar anijet, kontejnerët, por edhe aeroportet”, tha Ramirez.

Ramirez deklaroi se shqiptarët nuk pranojnë njerëz të kombësive të tjera si ekuadoriane, kolumbiane apo meksikane. Ai tha se shqiptarët janë një bandë e mbyllur e përbërë vetëm nga bashkëkombës.

“Ne kemi parë që njerëzit e kësaj kombësie po ndërhyjnë me forcat e tyre; Ata janë një cikël aq i mbyllur sa nuk pranojnë as njerëz me kombësi ekuadoriane, kolumbiane apo meksikane. Përkundrazi, janë të së njëjtës nacionalitet që kryejnë të gjitha funksionet që ka një organizatë kriminale, janë aq të mbyllura saqë edhe për shkak të gjuhës nuk na lejon të përparojmë ashtu siç duhet. Megjithatë, ka hetime të rëndësishme që do të përfundojnë në javët dhe muajt e ardhshëm”, shtoi Ramirez.

I pyetur nëse mafia shqiptare do të punonte me organizata të njohura si Sinaloa apo Jalisco Nueva Generación, Ramirez tha se është një hipotezë që duhet të vërtetohet.

“Është një hipotezë që po trajtohet. Në çdo rast, nëpërmjet hetimeve të ndryshme, të shtuara në zbërthimin e strukturave ku ka ndërhyrje të njerëzve të kësaj kombësie, do të na lejojë që hipotezat të bëhen premisa”, tha Ramirez.

Ergys Dashi u vra më 22 janar në një restorant në Guayaquil. Ai konsiderohej si një nga krerët e një bande droge dhe për këtë u burgos në Itali mes viteve 2014 dhe 2017.