Flash News

Operacion antid*ogë në Korçë, në pranga dy persona, disa të shoqëruar

Antonio Costa nuk ka një datë për anëtarësimin e Shqipërisë në BE

EMRI/ Goditi me grushte sekretarin e KZAZ-së në Kashar, shoqërohet në polici autori i dhunës

Vëzhguesi i Ornaldo Rakipit godet me grusht kryetarin e KZAZ në Kashar

Dokumenti/ PD i kërkon KQZ-së dokumentacionin e procesit të votimit nga diaspora

E-TJERA

Shqiptari kapet me 940 mijë euro në kufi

Politiko 15 Maj 2025, 18:40

Shqiptari kapet me 940 mijë euro në kufi

Një shtetas shqiptar është vënë nën hetim nga autoritetet malazeze, pasi dyshohet se ka tentuar të fusë në Shqipëri një shumë prej 940,000 eurosh të fituara nga aktiviteti i paligjshëm i trafikut të drogës.

Prokuroria Speciale e Malit të Zi ka njoftuar se shtetasi me inicialet T. M. kishte transportuar paratë e fshehura në një automjet mallrash nga Austria në drejtim të Shqipërisë, përmes Sllovenisë, Kroacisë dhe Malit të Zi. Sipas autoriteteve, destinacioni final i shumës së konsiderueshme ishte një person ende i panjohur në Shqipëri.

Sasia e parave u zbulua gjatë një kontrolli të imtësishëm në pikën kufitare mes Malit të Zi dhe Shqipërisë, në Božaj. Operacioni u zhvillua në zbatim të një urdhri nga Prokuroria Speciale e Shtetit, në bashkëpunim mes Administratës Doganore dhe Departamentit Special të Policisë së Administratës së Policisë.

Në kuadër të hetimeve, prokuroria ka propozuar zgjatjen e masës së paraburgimit për të dyshuarin si dhe sekuestrimin përfundimtar të shumës së parave të kapura dhe automjetit të përdorur për transportin e tyre.

Rasti po trajtohet si një operacion i rëndësishëm për goditjen e rrjeteve kriminale që përfitojnë nga trafiku i drogës dhe kanalizimi i fitimeve të paligjshme drejt vendeve të tjera. Hetimet vijojnë për të identifikuar bashkëpunëtorët dhe rrjetin e mundshëm kriminal që fshihet pas këtij aktiviteti.

Të fundit