Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Shqiptari mori zvarrë me makinë 21-vjeçaren greke, detaje të reja nga aksidenti në Selanik

Politiko 2 Qershor 2023, 19:21

Shqiptari mori zvarrë me makinë 21-vjeçaren greke, detaje

Detaje të reja janë zbardhur nga ngjarja që ka ndodhur pak kohë më parë në Greqi ku  një 27-vjeçar shqiptar përplasi për vdekje me makinë një 21-vjeçare greke.

Sipas mediave greke, drejtuesi 27-vjeçar që tërhoqi zvarrë studenten 21-vjeçare në nëntorin e kaluar, në qendër të Selanikut, është dërguar në bankën e Gjykatës Penale Treanëtare.

Sipas dosjes së Këshillit të Drejtësisë Penale, 27-vjeçari me origjinë shqiptare, është dërguar në gjyq për “drejtim mjeti në mënyrë të rrezikshme me pasojë vdekjen e të resë”, “aksident trafiku” dhe “drejtimin e mjetit pa patentë”.

Gjithashtu mësohet se 27-vjeçari ecte me 104 km/h, në momentin e përplasjes.

Në testamentin e Këshillit thuhet se nga ekspertiza teknike ka rezultuar se mjeti ka qenë teknikisht i pasigurt dhe i rrezikshëm, ndërsa më pas përshkruhet shpejtësia e tepruar me të cilën 27-vjeçari drejtonte, por edhe si ka përfunduar makina.

I pandehuri ka qenë duke udhëtuar me një shpejtësi që ka arritur në 104.12 km/h, pra shumë më e lartë se maksimumi i lejuar në atë pikë (50 km/orë si zonë banimi) dhe në momentin kur këmbësorja Emmanuela Kariorakis, ka kaluar rrugën, duke lëvizur nga e djathta në të majtë, pasi ka arritur pothuajse në mes të rrugës, në vijën ndarëse të dyfishtë, i akuzuari duke vazhduar me shpejtësi të tepruar, ka përplasur të renë, duke e marrë zvarrë për disa metra.

Kujtohet se studentja fatkeqe dha frymën e fundit pas pesë ditësh shtrimi në Repartin e Kujdesit Intensiv të Spitalit Papageorgiou, ndërsa familja e saj vendosi t’i dhuronte organet.

Të fundit