Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shtabi i forcave operacionale të SHBA në Shqipëri: ‘Faktori’ Erdogan dhe ‘kërcënimi’ turk ndaj NATO-s

Politiko 8 Shkurt 2022, 13:56

Shtabi i forcave operacionale të SHBA në Shqipëri:

Një muaj më parë, u konfirmua ngritja e shtabit të komandave amerikane të Forcave Operacionale Speciale në Shqipëri, me qëllim nxitjen dhe ndërveprimin mes vendeve aleate dhe Shqipërisë si pjesë e NATO-s.

Një artikull i botuar në Bussines Insider, shkruan rreth ngritjes së shtabit të komandove amerikane dhe rolit që Turqia luan në pozicionin e forcave, pikërisht në rajonin e Ballkanit. Selia e Komandës së Operacioneve Speciale të SHBA për Evropë (SOCEUR) do të jetë e vendosur në Shqipëri dhe do të përdoret vetëm gjatë muajve të veçantë të vitit ose në kohë nevoje.

Numri i operatorëve specialë në selinë e re do të jetë i vogël, rreth 10 deri në 15, sikurse raporton gjeneralmajor David Tabor, oficer komandues i SOCEUR, sipas ‘Insider’. "Aftësia për të lëvizur dhe trajnuar me shpejtësi brenda Ballkanit, në koordinim të ngushtë me forcat e tjera aleate dhe partnere, e bëri Shqipërinë vendndodhjen më të mirë për këtë përpjekje. Shqipëria mbetet një aleate e rëndësishme e NATO-s dhe një partner i vlerësuar sigurie, si në rajon ashtu edhe në nivel global," ka thënë Tabor.

Përtej aksesit dhe komoditetit, shtabi i ri i operacioneve speciale do të ndihmojë kundër ndikimit keqdashës rus në rajon.

Shqipëria është anëtare e NATO-s që nga viti 2009. Ajo dërgoi trupa për të mbështetur NATO-n dhe koalicionin e udhëhequr nga SHBA në Afganistan dhe aleanca e ka ndihmuar Shqipërinë të përmirësojë aftësitë e saj ushtarake.

Megjithatë, disa vende në rajon, duke përfshirë Bosnjën, Serbinë dhe Bullgarinë, nuk janë saktësisht në sferën e ndikimit të SHBA-së. Këto vende ishin në linjë me Bashkimin Sovjetik gjatë Luftës së Ftohtë dhe disa mbajnë lidhje të ngushta me Rusinë.

Ndërsa tensionet me Rusinë rriten, Moska mund të përpiqet të përdorë lidhje të tilla për të nxitur telashe. Aktivitetet e kryera nga forcat e operacioneve speciale të SHBA-së në selinë e mund të përqendrohen në mbrojtjen e brendshme të jashtme, çështjet civile dhe operacionet psikologjike.

‘Insider’ nuk hedh poshtë as mundësitë që rol dhe impakt të ketë pasur edhe Turqia, e cila ka investuar shumë në Shqipëri dhe të dyja janë vende anëtare të NATO-s. Por, nën Presidentin Rexhep Tajip Erdogan, Turqia është larguar vazhdimisht nga aleanca transatlantike, duke ngritur shqetësime për hyrjen dhe operacionet e NATO-s në një pjesë të rëndësishme të botës.

Vendimi i SOCEUR për të vendosur selinë e re të operacioneve speciale në Shqipëri mund të jetë një përpjekje për të ruajtur një pjesë të këtij aksesi ose për të mbajtur Turqinë larg tërheqjes së vendeve të NATO-s.

Megjithatë, vendimi për ta vendosur atë në Shqipëri sugjeron se Ballkani është sërish një rajon me rëndësi për ushtrinë amerikane.