Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Është ngritur kulla 50 kate me bosët e kokainës”/ Çuçi kërkesë në SPAK: Hetoni deklaratën e Bashës

Politiko 3 Nëntor 2021, 13:03
“Është ngritur kulla 50 kate me bosët e
Në foto/ Ministri i Brendshëm Bledi Çuçi dhe kreu i PD-së Lulzim Basha

Kreu i opozitës Lulzim Basha bëri një deklaratë në Kuvend kundrejt kryeministri Edi Rama, e cila kaloi pa bërë shumë zhurmë.

“Kjo babëzi nuk ju pengoi që ndërkohë që COVID ju ka penguar që të ngriti shtëpinë të ngrinit godinën 50 katëshe me bosët e kokainës. Ti duhet ta dish se kush bos kokaine ka rezervuar një kat në atë godinë,” ishte deklarata e Bashës në Kuvend.

Nëse shumë pak e vlerësuan akuzën e kryedemokratit, ministri i Brendshëm Bledi Çuçi duket se nuk e ka lënë t’ia hedhë ‘paq’. Mësohet se Çuçi i ka dorëzuar një kërkesë kreut të SPAK-ut Arben Kraja, ku kërkon të nisë hetimi i menjëhershëm mbi deklaratën e bërë nga Basha në Kuvend.

“Deklarata e bërë nga ana e z. Basha është deklaratë publike shumë e rëndë, e cila cenon besimin e publikut tek institucionet tona. Referuar legjislacionit në fuqi, përcaktohet se veprat penale të pretenduara në këtë deklaratë, janë pjesë e kompetencës lëndore të institucionit që Ju drejtoni.  Në cilësinë e Ministrit të Brendshëm, si dhe në kuadër të misionit tonë të përbashkët në luftën kundër krimit të organizuar, më lejoni të përcjell kërkesën për verifikimin e kësaj deklarate dhe zbardhjen e plotë të çështjes. Mbetem shpresëplotë se do të ndërmerrni hapat e nevojshëm për zbardhjen e kësaj çështje, për të përmbushur misionin tonë të përbashkët në luftën kundër krimit të organizuar, si dhe për të qenë transparent me publikun dhe partnerët tanë”, thuhet në kërkesën e Çuçit të dorëzuar në SPAK.

Nëse kërkesa e ministrit të Brendshëm do të vendosë në lëvizje SPAK-un, atëherë kreu i opozitës do të duhet të thirret si dëshmitar or të dhënë fakte, detaje dhe prova që mund të ketë për deklaratën e tij.

Të fundit