Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ambasadori britanik tregon bisedën me Ramën: Ç’duhet të bëjë politika që të rinjtë të mos përfundojnë në “shtëpitë e barit”

Politiko 11 Tetor 2021, 20:36

Ambasadori britanik tregon bisedën me Ramën: Ç’duhet

Ambasadori i ri britanik në Tiranë, Alstair King-Smith ka treguar se javën që shkoi ka zhvilluar një takim me kryeministrin Edi Rama dhe në fokus të takimit ka qenë diskutimi lidhur me largimin e të rinjve, ndërsa disa prej tyre implikohen në trafikun e drogës.

Gjatë një interviste, ambasadori është pyetur se çfarë mund të bëjë politika që të rinjtë të mos largohen nga Shqipëria apo mos të përfundojnë në shtëpitë e barit.

“Simpatizohem me njerëzit të cilët i shohin gjërat me pozitivitet, për të shkuar diku tjetër dhe të mësojnë aftësi të reja, të gjejnë punë diku tjetër. Por jam frymëzuar nga të rinjtë që kam takuar. Javën e shkuar shkova në një shkollë e cila merr pjesë ne programin e “Shkollat e Shekullit të 21” nga Ambasada e MB, me British Council dhe Ministrinë e Edukimit dhe jemi frymëzuar se si të rinjtë janë të vendor për të sjellë ndryshimin.

Ky program mëson aftësi në kodim, në përdorimin e teknologjisë për të gjetur se si të rinjtë mund të bëjnë ndryshmin në botë, dhe këta nxënës po e përdornin për të përmirësuar mjedisin në zonën e tyre lokale, dhe kjo më frymëzon.

Dhe mendoj se me mundësitë e duhura për tu aftësuar dhe punësuar, jo vetëm në Tiranë por në të gjithë vendin, dhe kjo është shumë e rëndësishme. Di që ministri që do të vizitojë Tiranën në javën e ardhshme, do të diskutojë për të kuptuar se çfarë mund të bëjmë ne për të ndihmuar Shqipërinë edhe për të ndihmuar të rinjtë për të pasur të ardhmet e ndritshme që ata duan”, thotë Alstair King-Smith.

I pyetur se sa problematike janë “shtëpitë e barit”, ambasadori thotë se për këtë ka biseduar edhe me Ramën.

“Kjo është shumë e rëndësishme për tu diskutua. Kjo është diçka që e kam diskutuar me Kryeministrin këtë javë. Sigurisht që ka të rinj që kapen në rrjetet kriminale dhe paguajnë një sasi të jashtëzakonshme parash për të kaluar ilegalisht në MB.

Shpesh ata kalojnë udhëtime shumë të vështira për të mbërritur atje dhe ne duhet të shohim se pse kjo ndodh, si mund ta parandalojmë dhe gjithashtu se si mund ti mbështesim këta të rinj kur ata kthehen, që të kenë mundësi të mira ekonomike këtu, në mënyrë që ata mos ta ndiejnë si nevojë ta bëjnë përsëri atë udhëtim.

Kështu kjo është diçka që qeveritë duhet ta konsiderojnë së bashku, por do të ketë nevojë që gjithë shoqëria të punojë së bashku për të garantuar se do të ketë progres. Dhe dua të theksoj se çfarë kjo ndodhi shkakton është shkatërrim real i familjeve, atyre në MB të cilat tërhiqen në këto rrjete përmes përfshirjes së fëmijëve të tyre në rrjete droge, familjeve të reja këtu, të rinjve të familjeve këtu që ndikohen nga këto punë, gjë që nuk duhet të vazhdojë më dhe për të cilën ne duhet të punojmë si shoqëri jo vetëm si qeveri, për të parë se çfarë mund të bëjmë për këtë çështje”, tha ai.