Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Shteti i kapur nga korrupsioni”, Balla-PD: Duhet të ishit referuar te progres-raporti i KE. Rushaj: Basha ju kurseu

Politiko 25 Tetor 2021, 18:02

“Shteti i kapur nga korrupsioni”, Balla-PD: Duhet të ishit

Kreu i Grupit Parlamentar i PD, Alfred Rushaj replikoi me kreun e Grupit Parlamentar të PS, Taulant Balla, i cili pas fjalës së Bashës tha se për të denoncuar korrupsionin në vend duhet t’i ishte referuar  progres-raportit të Komisionit Europian.

“Do të doja që ai të kishte paraqitur një dokument serioz. Dokumenti që ne duhet t’i referohemi është progres-raporti i Komisionit Europian. Është viti i 15 që KE sjell një raport të tillë.

Opozita duhej të ishte e mirëpritur për të kërkuar një mocion diskutimi për progres-raportin si më i pacënueshmi për sa i përket integritetit. Progres-raporti i 2021 është raporti më i mirë që nga fillimi i tyre. Ky është progres-raporti i parë që thotë se Shqipëria vazhdon me konsolidimin e reformave për  rrugën drejt Bashkimit Europian”, tha Balla.

Pas tij, Rushaj tha se Basha ‘e kurseu’ PS-në, pasi në atë raport thuhet se korrupsioni është i përhapur në çdo qelizë.

“Basha u tregua i sjellshëm që nuk iu referua raport –progresit për çështjen e korrupsionit, sepse nëse do e kishte cituar ju kujtojmë se theksohet se korrupsioni është i përhapur në çdo qelizë dhe është shqetësim serioz. Basha ua kurseu”, tha Rushaj.

Replikat mes tyre kanë vijuar edhe për çeshtjet e rregulloreve të komisioneve hetimore.

"Në fund të fundit kemi edhe ne një propozim. Ka qenë një rekomandim nga partnerët që monitorojnë zbatimin e Reformës në Drejtësi të cilët ia kanë drejtuar kryeparlamentares.  Nëse propozimi jonë është teknik, i juaji kërkon më shumë kohë. E përshëndes opozitën që u rikthye ne jetën parlamentare. Për fat të keq njëri nga komisionet e ngritura ka hyrë në ngërç. Nëse doni që të funksionojë komisioni hetimor, duhet të kuptoni që rregullorja e Kuvendit nuk është statut partie që mund të ndryshohet. Nuk mund të votosh në mbledhjen e një komisioni hetimore parlamentar, nga neni 1 në 16, pa votuar nenin 2,", tha Balla.

“Sa i përket çeshtjeve të rregulloreve së komisioneve hetimore e di që jeni në hall të madh, në atë rregullore i jemi referuar ligjit dhe jurisprudencës 20-vjecare të gjykatës kushtetuese. Ju nxirrni diçka, nuk besoj se cdo pengesë që nxirrni mund të na pengoni që ato fakte që do ua bëjmë publike shqiptare, ti bëjmë publike”, iu përgjigj Rushaj.

 

Të fundit