Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shteti i parë që do të aplikojë dozën e katërt kundër Covid-19

Politiko 22 Dhjetor 2021, 09:14

Shteti i parë që do të aplikojë dozën e katërt

Izraeli po planifikon të bëhet vendi i parë që do të aplikojë dozën e katërt të vaksinës Covid-19, pas frikës së shkaktuar nga varianti i ri Omicron. Ekspertët e pandemisë izraelite kanë rekomanduar një përforcues të katërt për personat mbi 60-vjeç dhe punonjësit e shëndetësisë.

Kryeministri Naftali Bennett e mirëpriti planin dhe u tha zyrtarëve të fillonin përgatitjen. Ky vendim vjen pasi Izraeli konfirmoi vdekjen e parë nga Omicron ditën e djeshme.

Ministria e Shëndetësisë tha se kishte të paktën 340 raste me Omicron. Vendimi për të nxjerrë një përforcues të katërt është ende në pritje të miratimit nga zyrtarë të lartë shëndetësorë, megjithatë zyra e zotit Bennett i tha BBC-së se shpresonte të administronte dozën te njerëzit të paktën katër muaj pas dozës së tyre të tretë.

"Ky është një lajm i mrekullueshëm që do të na ndihmojë të kalojmë valën Omicron që po përfshin botën", tha Bennett, ndërsa u kërkoi njerëzve të pranojnë ofertën sa më shpejt të jetë e mundur.

Kur programet e vaksinimit kundër Covid-19 filluan për herë të parë, injektimet e Izraelit u shpërndanë shpejt dhe pati një marrje relativisht të lartë. Megjithatë, pavarësisht kësaj, vetëm rreth 63% e popullsisë së saj prej 9.3 milionë banorësh ka marrë dy doza. Kjo ka të bëjë pjesërisht me faktin se Izraeli është një vend relativisht i ri - rreth një e treta e popullsisë së tij është nën moshën 14 vjeç.

Të fundit