Flash News

Hetimi i SPAK për identifikimin biometrik, Celibashi: Kam zero shqetësim

Posta e mëngjesit/ Me 2 rreshta: Çfarë pati rëndësi dje në Shqipëri

Çfarë fshihet poshtë urrejtjes së SPAK për trashëgiminë dhe bamirësinë?

Motori del nga rruga në Shkodër, plagoset i riu spanjoll dhe pasagjeri

Zgjidhet me short Kolegji Zgjedhor i votimeve të ardhshme

Ditari i Opozitës

Shtyhet seanca për “Babalen”, Salianji: Nuk ka pasur vepër penale, bëra një denoncim

Politiko 4 Korrik 2022, 14:48

Shtyhet seanca për “Babalen”, Salianji: Nuk ka pasur vepër

Seanca gjyqësore për çështjen “Babale” që do të mbahej sot në Gjykatën e Apelit është shtyrë për në datën 18 korrik në orën 14:00.

Shkak për shtyrjen e seancës është bërë mungesa e gjyqtares Elona Toro në seancë, e cila dyshohet të jetë infektuar me Covid-19. Në seancë ishte deputeti Ervin Salianji i dënuar me vendimin e Shkallës së Parë me 1 vit burg, ndërsa shoqërohej edhe nga deputetët demokratë: Luan Baçi, Saimir Korreshi, Elda Hoti, Flamur Noka, Luçiano Boçi, Belind Këlliçi, Selaudin Jakupllari, Kasem Mahmutaj, Bledion Nallbati.

Pas shtyrjes së seancës, Salianji në një prononcim për mediat tha se nuk ka kryer asnjë vepër penal, por ka bërë vetëm një denoncim për një të dënuar.

“Për shkak të mungesës së avokatëve por edhe një anëtarë të turpi gjykues seanca u shty. Vonesa dhe sorollatjet janë të përhershme sa herë që një person kërkon drejtësi. Ankimi është i plotë, janë te gjithë elementet

Nuk ka pasur vepër penale. Në rastin tim unë kam paraqitur prova për të paraqitur para publikut dhe për të provuar pafajësinë time. Jemi në një rast që duket sikur është i kolovitur, por është shumë e thjeshtë. Unë nuk kam bërë kallëzim, por një denoncim për një të dënuar. Nuk është vetëm ky dëshmitar i rremë. Është dhe një personazh tjetër, një person i njohur si Agron Hyseni që policia dhe Prokuroria tentuan ta fusnin, si Agron për Agron. Zëri është i ngjashëm sipas ekspertizës britanike, me atë të personit të denoncuar. Prokuroria dhe organet nuk bënë atë që duhet të bënin, duke u marrë me denoncuesit.

Jo vetëm që i qëndrojmë, por fakti i hetimeve nga prokuroria faktoi plotësisht ato që denonconim dhe u përfshi akoma më shumë struktura, për të mbrojtur trafikun shtetëror të drogës të kryer nën mbrojtjen e ish-ministrit të Brendshëm, aktualisht deputet i PS. Nuk ka hetim pasuror për Fatmir Xhafën, si vëllai i një subjekti të OFL-së”, deklaroi Salianji.

I pyetur se çfarë do të bëjë nëse Apeli lë në fuqi vendimin e Shkallës së Parë, Salianji tha se do të zbatojë vendimin.  

“Ça do bëj do hidhem përpjetë, do e zbatoj. Po u them faktin që të gjithë ose janë larguar nga vettingu ose kanë dhënë dorëheqjen. Sot ato që kanë marrë vendim nuk janë në sistemin gjyqësor. Jam i sigurt se do të ketë një vendimmarrje për pafajësi”, tha Salianji.

Të fundit