Futbolli në zi, shuhet legjenda italiane dhe fituesi i Kupës së Botës, Paolo Rossi

Ndërron jetë në moshën 64-vjeçare futbollisti i madh italian Paolo Rossi. Lajmin e ka bërë me dije transmetuesi publik kombëtar italian të RAI, megjithëse nuk bëhet i ditur shkaku i vdekjes.

Rossi është njohur si udhëheqësi i Kombëtares italiane drejt fitores në Kupën e Botës. Në 1982 Italia arriti të fitonte kundër Gjermanisë Perëndimore pasi shënoi gjashtë gola të plotë në turne, duke përfshirë një hat trick të Rossit kundër Brazilit në fazën e dytë.

Bashkëshortja e Rossit, Federica Cappelletti, përmes një postimi në Instagram ka konfirmuar ndarjen nga jeta të futbollistit, teksa krahas fotos së bashku shkruan "Per Sempre", (Përgjithmonë).

I konsideruar gjerësisht si një nga futbollistët më të mirë italianë të të gjitha kohërave, Rossi fitoi Këpucën e Artë në Kupën e Botës 1982 në Spanjë, si golashënuesi më i mirë, dhe Topin e Artë për lojtarin e turneut, dhe në të njëjtin vit, Ballon d'Or Futbollisti Evropian i Vitit për performancat e tij.

Gjatë kohës që ishte anëtar i klubit italian të futbollit Juventus FC, Rossi fitoi dy tituj në Serisë A, një Kupë Evropiane dhe një Coppa Italia në katër vitet e tij me klubin. Rossi gjithashtu ka luajtur edhe për AC Milan. Pas karrierës së tij në futboll, Rossi punoi si një ekspert për RAI.

"Një lajm kaq i trishtueshëm: Paolo Rossi na ka lënë. Pablito i paharruar, i cili na bëri të gjithë të dashuroheshim në atë verë të vitit 1982 dhe që ishte një koleg i çmuar dhe kompetent i punës në RAI gjatë viteve të fundit", u tha në lajmërimin e RAI.

Rossi është fituesi i dytë i njohur i Kupës së Botës që vdiq në harkun e dy javëve, pas vdekjes së heroit kombëtar Argjentinas Diego Maradona në nëntor.

Karriera:

Ai lindi në Prato më 1956, filloi të luajë futboll që në moshë të vogël derisa më 1972-in e gjen veten midis të rinjëve të ekipit të Juventusit.

Në fillim ekipi i Juves nuk kishte besim tek Rossi, kështu në tetor të vitit 1975 ai kaloi tek Komo dhe më pas tek Viçenca.

Në këtë skuadër shpërthen dhe talenti i tij. 21 gola në 36 ndeshje ndikojnë që kjo skuadër të ngjitet në Kategorinë e Parë.

Më 1981 Juventusi arrin ta shtjerë në kthetrat e veta.

Në botëror, me 6 golat e tij bëhet golashënuesi më i mirë.

Ai ishte pa diskutim ylli i Kupës së Botës së zhvilluar në Spanjë.

Arriti të shënonte për të kaltrit në ndeshjet më të rëndësishme, tre gola ndaj Brazilit, dy gola ndaj Polonisë në gjysmëfinale dhe një gol ndaj RF Gjermane në finale. 

 Pasi mbaroi karrierën e tij si futbollist u bë një komentator i shkëlqyer i Rai, Sky dhe Mediaset.