"Shumë pak teste janë bërë", Meta në takim online me mjekët e njohur për pandeminë

Presidenti i Republikës, Ilir Meta ka zhvilluar një takim online me mjekë e specialistë, në lidhje me pandeminë e koronavirusit.

Ish-deputeti i PD-së, Tritan Shehu tha se gjendja sot është jashtë kontrollit. Ai theksoi se duhet të bëhen sa më shumë teste në popullatë.

"Sot gjendja është jashtë kontrollit, nesër do jetë akoma më jashtë kontrollit, kur të nisin edhe virozat. Shumë pak teste janë bërë. Popullsia duhet të bëjë testime, duhet të ftohet për këtë gjë. Bëhen vetëm 1400 teste, që janë pak", tha Shehu.

Në takim mori pjesë edhe zv, ministri i Shëndetësisë, Albert Nikolla i cili u shpreh mjaft i revoltuar në mbledhjen online me presidentin Ilir Meta duke e kritikuar atë për orientinimin e mbledhjes duke theksuar se ai si përfaqësues i qeverisë duhet të kishte folur i pari dhe më pas të vinin kritikat nga mjekët.

"U tha që nuk ka teste por testet janë shumëfishuar. Testet e shpejta vijnë brenda vitit. Mjeku i familjes është futur prej muajsh dhe po bëhen trajtime në shtëpi. U fol për problemin e përgatitjes në rast të rritjes së numrave. Janë gati 100 shtretër të pazënë dhe një spital me 100 shtretër të rinj. Futja e spitaleve do të bëhet me tre etapa. Do shkojnë në 1600 shtretër. Janë mjekët që qëndrojnë ditë e natë atje. A jemi të përkryer? Jo! A kemi nevojë për këshilla të reja? Po.

Nuk ka më shtabe. Shtabi është komunist. Një pandemi e till ndodh njëherë në 100 vite. Nuk duhet t’i sulemi qeverisë në këtë moment kur ka kaq shumë stres, Duhet të flasë qeveria e para dhe pastaj ju të vazhdoni me kritika. Kemi problemet tona dhe do përmirësohemi vazhdimisht”, tha Nikolla.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm