Si ndihesh që je vajza e një krimineli? Deputetja i përgjigjet komentuesit: Nuk më intimidojnë thashethemet

Deputetja Reme Lala

Deputetja Reme Lala ka zhvilluar një bashkëbisedim me ndjekësit e saj në ‘Instagram’, ku ka zgjedhur t’i përgjigjet një pyetjeje që i është bërë shumë herë, siç thekson dhe vet ajo.

“Si ndihesh që je goca e një krimineli si Imer Lala” i ka shkruaj një ndjekëse. Ndërkohë deputetja thotë se ‘thashetheme’ të tilla nuk e intimidojnë, por i shtojnë vlerësimin për babanë e saj.

Ajo shton se një pyetje e tillë nuk i bëhet asnjëherë një vajze për të atin e saj.

“Për të gjithë ata që mendojnë se mund të më indimodojnë me thashetheme dhe të tilla fjalë, jo vetëm ti që e shkruan këtë, por kushdo që e mendon, më lejoni t’ju them se veçse më shtoni vlerësimin që kam për tim atë dhe njësoj i shtohet të gjithë atyre që e njohin. Ne jemi mësuar që koha t’i tregojë të vërtetat, ndaj koha do t’i tregojë dhe përgjigjet e pyetjeve apo komentet e këtij lloji, që për hir të së vërtetës unë kurrë nuk do t’ja bëja një vajze për babin e saj”, shkruan ajo.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm