Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Si u manipuluan pensionet ndër vite, 800 mijë punonjës paguan sigurime për 687 mijë pensionistë

Politiko 16 Prill 2023, 09:09

Si u manipuluan pensionet ndër vite, 800 mijë punonjës paguan

Në emisionin Money në Euronews Albania u trajtua këtë të shtunë skema e pensioneve në Shqipëri dhe rritja e moshës së pensionit nga qeveria.

Mashtrimi me sigurimet është një tjetër vepër penale që ka goditur skemën e pensioneve. Falsifikimi i dokumenteve, llogaritjet fiktive dhe ndryshimi i viteve të kontributive, kanë sjellë padrejtësi të bëra nga individë të caktuar apo punonjës të sigurimeve shoqërore.

Çfarë parashikon Kodi Penal për falsifikimet në lidhje me kontributete:

“Paraqitja e rrethanave të rreme në lidhje me objektin që sigurohet, ose krijimi i rrethanave të rreme dhe paraqitja e tyre në dokumentet duke përfituar padrejtësisht sigurime, dënohet me gjobë ose me burgim gjer në pesë vjet”.

Nga viti 2012 deri në vitin 2022 janë regjistruar 2152 kallëzime në Prokurorinë e përgjithshme, me numrin më të madh të cështjeve që kanë kulmuar në vitin 2016 me 726, dhe numrin më të ulët në vitin 2021 me 16 të tilla. Mundësitë për abuzime vitet e fundit janë ulur, për shkak të heqjes së sporteleve dhe shmangies së kontaktit të drejtpërdrjetë mes nëpunësit që llogarit shumat përfituese dhe individit. Pra, në mesin e dhjetra problemeve që mbart skema, integrimi i dokumenteve në e-albania ka ulur nivelin e abuzimeve.

Në raportin e fundit të sigurimeve shoqërore, ku bëhet një pasqyrim i plotë i skemës për vitin 2022, ishin 801 480 njerëz që derdhën kontribute, dhe 686 923 njerëz që përfituan pensione. Nga këta 586 mijë përfitojnë pensione urbane dhe 101 mijë marrin pensione rurale. Të dhënat tregojnë se të ardhurat mesatare për pensionet e qytetit ishin 18 615 lekë ndërsa, për ato të fshatit 10 888 lekë. Me këta tregues, pagesat janë rreth 5 herë më të ulëta se paga mesatare dhe ky hendek mund të thellohet më tej, me rritjen e pagave përgjatë 2 viteve të ardhshme.

Eksperti i ekonomisë Selami Xhepa u shpreh për emisionin “Money” në Euronews: Kjo lloj rritje që tashmë është realizuar dhe pritet të rritet me kalimin e kohës do të ketë efekt pozitiv në shtimin e kontributeve, por kjo është e pamjaftueshme për të mbuluar indeksimin e pensioneve në të njëjtën masë me të cilën indeksohen pagat dhe për të ruajtur raportin e zëvendësimin, që është pesha e pensioneve në raport me pagën mesatare. Mendoj që do të kemi të bëjmë me një thellim dhe rritje të shtresëzimit të polarizimit social në kategoritë e ndryshme të të ardhurave.

Ndërkohë që eksperti i pensioneve Koço Broka u shpreh se rritja e pagave në sektorin privat është një ogur i mirë për pensionet.

“Rritja reale e pagave është një ogur i mirë për pensionet për arsye se me reformën e vitit 2014, që filloi të zbatohet në vitin 2015, kemi një lidhje më të mirë të pagimit të kontributit mbi bazën e pagave dhe nivelit të pensioneve. NQS para reformës në vitin 2014, raporti midis pensionit minimal dhe atij maksimal ishte 1 me 2, kurse kontributi ishte 1 me 4.4, pra pensionistë nuk e merrnin atë që kishin kontribuar. Ndërkojhë me reformën e vitit 2015 u bë një lidhje më e mirë me pagat dhe pensioni varet drejtëprdrejt nga rritja e pagave”, tha ai.

Marrë nga Euronews Albania