Flash News

Studimi: Ndërtimi i digave sjell pasoja të rënda ekologjike mbi burimin e Vjosës

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

E-TJERA

Si u vra Elton Mermali, ish-anëtari i bandës së Aldo Bares, dëshmia e nënës: Më tha më bëj darkën gati

Politiko 20 Prill 2022, 22:07

Si u vra Elton Mermali, ish-anëtari i bandës së Aldo Bares,

Zbardhen detaje të reja ekzekutimi i Elton Mermali, ish-anëtari i bandës së Aldo Bares në 6 tetorit 2021.

Në emisionin ‘Shënjestër’ në News 24, është publikuar dëshmia e nënës së Elton Mermalit, me emrin e ndryshuar Alban Semaku, teksa ka rrëfyer bisedën e fundit me të birin para se të vritej.

Në dëshminë e saj, e ëma tregon se i biri i kishte thënë se do të shkonte deri te lulishtja dhe se do të kthehej së shpejti ndërsa ajo e shoqëronte deri te dera, por prej mbrëmjes së 6 tetorit nuk u kthye më i gjallë në banesë.

Të vetmet fjalë që i shqiptoi nënës së tij, teksa kalonte pragun e banesës, ishte “t’i përgatiste darkën, pasi do të kthehej shpejt”. Nëna e tij e priti deri në mëngjes.

“Kohët e fundit Eltoni nuk mbante as telefon. Ai shoqërohej me disa djem qe i ka pasur shokë që në fëmijëri.

Dilte shumë pak nga shtëpia. Nuk qëndronte shumë. Qëndronte vetëm 10-15 minuta jashtë dhe rikthehej në shtëpi. E pyesnim gjithmonë çfarë ke, por ai nuk fliste”, deklaronte ajo.

Të nesërmen e zhdukjes së tij të beftë, një trup i pajetë, i qëlluar me një plumb pas koke dhe dy pas shpine, u gjet me kurriz të kthyer në anë të lumit Shkumbin.  Do të ishte nëna e tij, ajo që do të njihte trupin e të birit në morgun e spitalit të Elbasanit.

38-vjeçarit nga Lushnja, njihej si një personazh problematik i botës së krimit, i cili më herët kishte vuajtur 13 vite heqje lirie, në akuzën për vrasje që dikur kishte qenë anëtar i bandës së Lushnjës, të drejtuar nga Aldo Bare.

 

 

Të fundit