Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Sindikata e futbollit hedh dyshime për marrëveshjen që i dha fund bojkotit: Të bëhet transparencë

Politiko 31 Tetor 2020, 12:00

Sindikata e futbollit hedh dyshime për marrëveshjen që i dha fund

Sindikata e Futbollistëve Profesionistë Shqiptarë ka reaguar pas përfundimit të bojkotit dhe rinisjes së aktivitetit sportiv.

Përmes një deklarate në profilin zyrtar, sindikata hedh dyshime për arritjen e marrëveshjes, ku thekson se deklaratat e kreut të FSHF-së, kreut të Ligës dhe kreut të Qeverisë, nuk përputhen.

Sindikata gjithashtu ka bërë apel që Liga të bëjë transparencë për marrëveshjen e arritur me qeverinë, nëse ka një të tillë, teksa ka aluduar se bojkoti mund të jetë organizuar vetëm për interesa vetjake.

Reagimi i plotë:

Sindikata e Futbollistëve Profesionistë Shqiptarë përshendet rinisjen e aktivitetit futbollistik në të gjithë vendin dhe për të gjitha kategoritë, megjithëse në grevë ishte vetëm Liga dhe jo FSHF.
Ndërsa në lidhje me bojkotin, përveç takimit të Kryeministrit me Presidentin e FSHF, si ne dhe opinioni sportdashës akoma nuk kemi dijeni se çfarë rezultati arriti bojkoti.
Kjo situatë bëhet akoma më e çuditshme kur dëgjon Ligën, jo vetëm se qëndrimin e saj e shpreh Presidenti FSHF dhe jo ai i Ligës por edhe për faktin se me shpalljen e fundit të bojkotit u deklarua se për kërkesat e paraqitura ka dakordësi dhe janë futur në rrugën e zgjidhjes.
Ndërsa krejt ndryshe shprehet Kryeministri i vendit i cili e quan bojkotin absurd dhe shprehet se tani që mbaroi bojkoti mund të diskutohet për zgjidhjen e kërkesave të ligës.
Pyetja që bëjmë ne sot është: Kush gënjen në këtë pikë Kryeministri apo Liga?
A janë futur në rrugën e zgjidhjes 4 kërkesat siç thotë Liga apo tani do të flitet për zgjidhjen e tyre?
Nëse janë futur në rrugën e zgjidhjes cilat janë këto kërkesa dhe në cfarë pikë janë këto diskutime.
Nëse ky bojkot ka shërbyer vetëm për të rivendosur në pozicionet e protagonistit personazhe të caktuar të botës së sportit apo politikës kjo është tallje me të gjithë ata që besuan se, ky bojkot ishte në të mirë të sportit.
Urojmë që me shpirte që bojkoti ti ketë shërbyer sportit në pergjithësi e futbollit në veçanti.

Të fundit