Sipas një studimi, Granit Xhaka abuzohet në Internet përmes komenteve raciste

Një zëdhënës i Twitter i ka thënë Sky Sports News: "Nuk ka vend për abuzim racist në Twitter dhe ne jemi të vendosur në angazhimin tonë për të siguruar që bisedat për futbollin është e sigurt për tifozët, lojtarët dhe të gjithë të përfshirët në lojë"

Mbajtësit e biletave të sezonit të Arsenalit abuzuan në mënyrë raciale me mesfushorin Granit Xhaka në Twitter, ka pretenduar një hetim.

Xhaka dhe lojtarët e tjerë të Premier League u vunë në shënjestër gjatë një studimi njëmujor ndërsa analistët synojnë të zbulojnë 'identitetet e jetës së vërtetë' të abuzuesve të shumtë në mediat sociale.

Analiza nga Signify, një kompani që përpunon të dhënat shkencore, ka zbuluar 16 raste të abuzimit racist në shënjestër ndaj Xhakës, duke përfshirë postime nga llogaritë që 'vetë-identifikohen si mbajtës të biletave të sezonit të Arsenalit', në dhjetor të vitit të kaluar.

Arsenali i ka thënë "Sky Sports News" se kanë ndërmarrë veprimin "më të fortë të mundshëm" kundër çdo abuzuesi që është i lidhur direkt me biletën e tyre të sezonit ose në bazën e të dhënave të anëtarësimit.

Studimi gjithashtu ka zbuluar abuzim homofobik ndaj Hector Bellerin të Arsenalit.

Analistët gjetën 52 përdorues të llogarive në të cilat shprehin urrejtje në internet kundër Antonio Rudiger të Chelsea-t. Prej tyre, 25 individë u identifikuan se bënin postime 'problematike', të cilat përfshinin 'ndjenjë agresive ndaj Rudiger, drejtuar vetëm atij'.

Urrejtja kundër Xhakës

Një analizë 30-ditore e emrit të Xhakës në Tëitter rreth ndeshjes së Premier League midis Arsenal v Burnley më 13 dhjetor zbuloi:

2,004 postime, nga të cilat 1,374 u shënuan si potencialisht që përmbajnë abuzim

52 përqind e postimeve abuzive ndodhën ditën e ndeshjes së Burnley

16 raste të abuzimit racist të synuar, duke përfshirë postimet nga llogaritë që vetë-identifikohen si mbajtës të biletave të sezonit të Arsenalit

Gjashtë postime shprehën dëshirën për të kryer dhunë mbi Xhakën

Tre llogaritë kryesore më abuzive janë gjithashtu ato më produktivet

Të dhënat janë marrë nga 117,481 përmendje të 'Xhaka' në Twitter.

Në shkrimin e publikuar në Sky Sports jepet dhe urrejta dhe komentet raciste kundrejt lojtarëve të tjerë.

Përgjigja: Twitter

Në përgjigje të studimit, një zëdhënës i Twitter i ka thënë Sky Sports News: "Nuk ka vend për abuzim racist në Twitter dhe ne jemi të vendosur në angazhimin tonë për të siguruar që biseda e futbollit në shërbimin tonë të jetë e sigurt për tifozët, lojtarët dhe të gjithë të përfshirët në lojë."

"Ne e dënojmë me forcë këtë sjellje, e cila nuk pasqyron shumicën dërrmuese të tifozëve që përdorin Twitter për të marrë pjesë në bisedat rreth futbollit në Mbretërinë e Bashkuar. Ne do të vazhdojmë të ndërmarrim veprime të shpejta ndaj pakicës që përpiqet të minojë bisedën për shumicën."

"Ne gjithashtu vazhdojmë të punojmë ngushtë me partnerë të vlerësuar në komunitetin e futbollit dhe përmes grupit të futbollit të thirrur nga "Kick It Out", do të bashkëpunojmë dhe do të identifikojmë mënyra për të trajtuar këtë sjellje të papranueshme - si në internet dhe jashtë linje."

Burimi: Sky Sports News