Situata e Covid-19, anëtarja e Komitetit Teknik: Mund të kemi mbyllje të pjesshme

Anëtarja e Komitetit Teknik të Ekspertëve, Gjeorgjina Kuli ka hedhur poshtë skenarin e mbylljes totale të vendit, nisur nga përkeqësimi i shifrave nga Covid-19.

E ftuar në ‘Milori Live’ në Klan News, Kuli tha se masat merren sipas situatës dhe nuk janë të paracaktuara, por shtoi se mund të ketë mbyllje të pjesshme.

“Kemi disa pika që i ndjekim, shkollat, lokalet dhe në varësi të atyre që do të shohim në vende të ndryshme, qytete të ndryshme, mund të kemi mbyllje të pjesshme.

Mbyllje e pjesshme mund të bëhet në bazë të incidencës së qyteteve apo zonave të caktuara. Momentalisht nuk kemi asnjë gjë të tillë në plan përderisa shifrat janë në të njejtat nivele.”

Duke folur për fëmijët dhe infektimet me Covid-19, Kuli tha se pavarësisht që Covid prek më pak dhe më lehtë fëmijët, nuk duhet neglizhuar si kategori, pasi janë burim infeksioni.

“Fëmijët e moshës shkollore, adoleshentët transmetojnë njësoj infeksionin si një adult i prekur. Tek fëmijët është vënë re një veçori që shpesh herë japin manifestimet e infeksionit shumë  më vonë se sa janë prekur.”

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm