Situata me Covid-19/ 14 persona humbën jetën në 24 orët e fundit, rritet sërish numri i infeksioneve

Në 24 orët e fundit në Shqipëri janë regjistruar 14 humbje jete nga Covid-19. Ndërkohë numri i rasteve të reja ka regjistruar rritje krahësuar me një ditë më parë.

Ministria e Shëndetësisë bëri me dije se kanë rezultuar pozitiv 753 persona nga 2532 testime të kryera. Gjithashtu njoftoi se janë shëruar 347 qytetarë.

Sipas MSH, në 4 spitalet covid po trajtohen 450 pacientë, 38 në terapi intensive dhe 11 pacientë të intubuar.

Bashkia me numrin më të lartë të infeksioneve ditore mbetet Tirana, në të cilën janë regjistruar 431 raste nga 753 që janë në total.

 

COVID-19 – Statistika (08 Dhjetor 2020)

Raste të reja ditore         753

Të shëruar ne 24 orë      347

Të shtruar në spitale      450

Humbje jete në 24 orë   14

Testime ditore              2.532

Testime totale           208.503

Raste pozitive            44.436

Raste të shëruara       22.527

Raste Aktive             20.973

Humbje jete              936