Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Situata në kampin e opozitës, Patozi: PD ka dy rrugë, palët po përdorin çdo mjet për të luftuar

Politiko 18 Nëntor 2021, 20:27

Situata në kampin e opozitës, Patozi: PD ka dy rrugë, palët

Ish-koordinatori i Bindjes Demokratike, Astrit Patozi ka komentuar situatën e trazuar në kampin blu, duke theksuar se ashpërsimi i gjuhës së të dyjave palëve, Berishës nga njëra anë dhe Bashës nga ana tjetër, tregon se po ecin në kahe të ndryshme.

I ftuar në studion e lajmeve në Vizion Plus, Patozi u shpreh se PD ka dy zgjidhje: ose të ndahet përfundimisht për t’u rikuperuar ose e gjithë kjo gjendje do të jetë një kosto për demokratët.

“Të dyja palët i kanë hequr dorezat dhe janë të gatshëm që të ecin me maksimumin e forcës drejt objektivave të tyre. Unë tani besoj gjithçka. Ashpërsimi i retorikës do të thotë që të dyja palët do të përdorin të gjitha mjetet që kanë në dispozicion për ta likuiduar kundërshtarin. Berisha ka përmendur termin “revolucion paqësor”, që i drejtohet Bashës, kërkon ta trembë Bashën që të tërhiqet nga pozicioni i tij. Ajo që unë mendoj është që PD duhet të pranojë që ka të bëjë më dy entitete të ndryshme politike brenda saj. E bukura është që sa më shpejt që të ndahet, aq më kollaj mund të shpëtojë nga kjo krizë e brendshme. Ekzistenca e dy kuvendeve brenda një jave nuk është gjë tjetër vetëm finalizimi i dy aksioneve brenda PD-së që ecin në drejtim të kundërt. Unë parashikoj që PD ka dy rrugë, ose të ndahet sa më shpejt që t’i lejojë vetes rikuperimin deri në zgjedhjet e ardhshme, ose përndryshe zgjatja e agonisë do ta shtojë koston që do të paguhet nga demokratët. Berisha dhe Basha janë përgjegjësit e kësaj gjendjeje dëshpëruese”, u shpreh Patozi.

Sipas Patozit, në situatën ku flasim sot, nuk parashikon të ketë një kompromis mes palëve.

“Nëse palët arrijnë kompromis, kjo i përket të ardhmes së largët. Duhet të konsumohet patjetër kjo dramë dhe telenovelë që po luhet në skene PD-së. Shpresoj që të zgjojë reagimin e vetë demokratëve. Të ardhmen e opozitës e parashikoj si një konfederatë, ku PD nuk mund të ketë patjetër rolin e vetë udhëheqës, sepse ajo e humbi këtë shans, por besoj në një spektër opozitar me shumë ngjyra mund ta ringjallë shpresën për rrëzimin e një mazhorance që e ka bërë baltë”, shtoi Patozi.

 

Të fundit