Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Situata në PD, Patozi: Ata që dikur na u vërsulën neve, sot i janë qepur në shpinë Bashës. Mos ta ndalin këtë që nisën

Politiko 13 Tetor 2021, 11:15

Situata në PD, Patozi: Ata që dikur na u vërsulën neve, sot

Ish-koordinatori i Bindjes Demokratike ka reaguar mbi zhvillimet që po ndodhin në PD. Astrit Patozi shpreh "habinë" se si demokratët që sot i janë kthyer kundër Lulzim Bashës, në fillim i janë "vërsulur" atij dhe të tjerëve që kundërshtuan që në fillim kryedemokratin.

"Kur na u vërsulën neve me tërbim para ca viteve, sepse u kishim sharë Lulin, pata një lloj habie në fillim, megjithëse e njoh mirë këtë lloj teknologjie staliniste dhe isha në një farë mënyre i përgatitur.

Kisha menduar gabim që do t'u duhej pak kohë derisa të merrnin marshin e damkosjes se armikut, sepse shumica prej nesh kishte një jetë me kontribute dhe grada në atë parti, por mbi të gjitha, se, siç thotë edhe vetë doktori tani "ne na kishin vrarë në pritë" dhe kjo ishte shumë evidente", shkruan Patozi në rrjetet sociale.

Duke e konsideruar Bashën si "besprerë", ai thotë se demokratët që i kanë dalë kundër duhet ta çojnë deri në fund nismën dhe ta largojnë drejtimi i PD. Patozi shton se Bashës i kanë ngelur vetëm çelsat e partisë, pasi anëtarët i kanë ikur. Sipas Patozit, ky është një rast unik, ku kryetari ka frikë partinë e tij.

"Madje them se pak na kanë bërë, me ç'po më shohin sytë me Lul "besëprerin", të cilin e kanë mbajtur në krahë si udhëheqës të madh për 8 vjet me radhë, madje e votuan edhe për 4 vjet të tjera, derisa i erdhi mesazhi "prapsohu". Të cilin janë gati ta mbajnë prapë në krahë ndoshta, por këtë radhë për ta përcjellë prej andej nga nuk kthehet më, po të kishin mundësi.

Ndaj mendoj se do të jetë mirë për të gjithë që të mos ndalen dhe ta çojnë deri në fund këtë që kanë nisur. Një palë duke mallkuar atë që nuk duhet të kishte lindur fare, por meqë kjo nuk mund të realizohet më, të paktën tani të kthehet andej nga ka ardhur. Kurse ai tjetri, duke shtrënguar letrat dhe çelësat e selisë, sepse anëtarët e PD nuk guxon, as t'i mbledhë dhe, as t'i takojë më. Duhet të jetë rast unikal në botë që kryetari ka frikë partinë e vet", shton më tej Patozi.

Të fundit