Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Skandali me mbetjet toksike, Shehaj: Heshtja e qeverisë e bën situatën më alarmante

Politiko 27 Gusht 2024, 22:41

Skandali me mbetjet toksike, Shehaj: Heshtja e qeverisë e bën

Kreu i partisë Mundësia, Agron Shehaj, ka reaguar sërish pas publikimit të një dokumenti pak ditë më parë që tregonte se në licensën e kompanisë “Sokolaj sh.p.k” specifikohet se kjo transporton mbetje të rrezikshme.

Dokumenti mban firmën e Ministres së Mjedisit Mirela Kumbaro dhe lidhur me këtë deputeti Agron Shehaj në një intervistë për “Ora News”  deklaroi se heshtja e qeverisë lidhur me ngjarjen e bën atë edhe më alarmante.

"Kjo që raporton sot Zëri i Amerikës është absolutisht e vërtetë, sepse dyshohet se jo vetëm kemi të bëjmë me një dërgesë që është kapur tashmë, por po dyshohet se dërgesat janë të shumta dhe të shpeshta.

Dhe problemi më i madh është fakti se nuk janë materiale toksike të prodhuara në Shqipëri, por ka dyshime që po trafikohen mbetje toksike të mbledhura nga vende të tjera.

Tani problemi shqetësues është se çfarë po ndodh me mbetjet toksike në Shqipëri? Si është e mundur që një ngarkesë kaq e madhe kalon të paktën një herë, por gjasat janë se kanë kaluar më shumë se një herë dhe se trafiku i mbetjeve toksike bëhet në mënyrë të vazhdueshme.

Pra, si është e mundur që askush nuk kontrollon dhe monitoron? Sepse po flasim për një subjekt “Sokolaj” të licencuar nga Ministria e Mjedisit, nuk flasim për një biznes të thjeshtë transporti mbetjesh, sepse nuk mund ta bëjë një gjë të tillë.

Kjo është shumë e rëndësishme, mungesa e informacionit dhe transparencës nga ana e qeverisë në përgjithësi në lidhje me këtë çështje që është bërë lajm botëror për të cilën sot flasin mediat më të rëndësishme, qeveria shqiptare nuk jep asnjë përgjigje. Dhe kjo e bën situatën akoma edhe më alarmante”, u shpreh ndër të tjera deputeti Agron Shehaj.

Të fundit