Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Skandali me rrjedhjen e të dhënave/ Shqipëria nënshkruan marrëveshje me SHBA-në për sigurinë kibernetike

Politiko 11 Janar 2022, 12:13

Skandali me rrjedhjen e të dhënave/ Shqipëria nënshkruan

Shqipëria ka firmosur një marrëveshje bashkëpunimi me një kompani amerikane për të siguruar sigurinë dhe mbrojtjen nga sulmet kibernetike, pas skandalit me rrjedhjen e të dhënave.

Marrëveshja u firmos me kompaninë “Jones International”. I pranishëm në gjatë takimit ka qenë drejtuesi i kompanisë, James Logan Jones Jr, një ish-Gjeneral i Marinës së SHBA dhe ish-këshilltar i Shtëpisë së Bardhë për Sigurinë Kombëtare, ministrja Belinda Balluku dhe kryeministri Edi Rama.

Në fjalën e tij, drejtuesi i “Jones International” u shpreh i gatshëm për t’i ardhur në ndihmë Shqipërisë në garantimin e sigurisë së tyre.

“Puna që do të bëjmë do të jetë një shembull, për të parë se çfarë do të bëhet në fushën e sigurisë kibernetike. Suksesi që do të arrijmë do të jetë jo vetëm transformues, por do të sjellë vende pune dhe begati për Shqipërinë. Shqiptarët duhet të jenë përgjegjës për sigurinë e tyre”, deklaroi Jones.

Kryeministri Rama vlerësoi bashkëpunimin me SHBA-në për të garantuar mbrojtjen e të dhënave, teksa theksoi se duke marrë shkak nga skandali me rrjedhjen e të dhënave, marrëveshja synon që dëmet mbi individët do të jenë më të reduktuara.

Po firmosim një marrëveshje që hap rrugën e një bashkëpunimi intensiv për të ngritur në një nivel tjetër kapacitete digjitale dhe sistemin e mbrojtjes kibernetike të Shqipërisë. Ne jemi shumë të nderuar që këtë gjë do ta bëjmë me grupin tuaj, i cili është i mirënjohur për kontributin e jashtëzakonshëm që ka dhënë në rritjen e sistemit të sigurisë, qoftë në SHBA, qoftë në vendet e tjera. Këtu nuk është thjesht çështja për të ndërtuar një sërë sistemesh sigurie, por për të ndërtuar një sistem tërësor sigurie, i cili të ketë mundësi të ofrojë një vlerë të shtuar edhe për NATO. Para pak kohe ne patëm një ngjarje të rëndë, rrjedhjen e disa të dhënave personalë që lidhen me pagat e punonjësve në Republikën e Shqipërisë, një ngjarje që ka ndodhur edhe në vende nga më të zhvilluarat, por që na jep mësimin se nuk janë vetëm sulmet anonime kibernetike prej të cilave ne duhet të jemi të mbrojtur, por janë dhe sulmet nga brenda prej personave të infiltruar, të paguar, qoftë dhe të papërgjegjshëm, prandaj e vlerësoj shumë dhe aspektin e marrëveshjes që ka të bëjë pikërisht edhe me garancinë se kapaciteti dëmprurës i individëve do jetë shumë më i reduktuar dhe se një sistem i tërë i rritjes së cilësisë së burimeve njerëzore në të gjithë rrjetin e njerëzve që merren me shërbimet dixhitale dhe mbrojtjen kibernetike do të vihet në funksion, ashtu siç do të vihen në funksion dhe programe të posaçme për të siguruar se aftësia e cilido individi për ta penetruar sistemin do jetë shumë e kufizuar, pasi sistemi do jetë i tillë që do ketë mure mbrojtëse dhe nga ndërhyrja e individëve”, u shpreh Rama.

Kujtojmë se një muaj më parë, u publikua databaza e parë me të dhënat personale dhe pagat e muajit janar të qytetarëve, e cila u pasua nga një e dytë me pagat për muajin prill, si edhe databaza e tretë me targat e automjeteve dhe të dhënave të tjera personale të shqiptarëve.