Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Skandali në varrezat e Kuçovës, hapen gropat pa patur të vdekur, më pas shiten

Politiko 1 Tetor 2024, 18:30

Skandali në varrezat e Kuçovës, hapen gropat pa patur të

Në varrezat e qytetit të Kuçovës, varret për të vdekurit shiten me para. Ky është denoncimi i një qytetari, i cili prej kohësh ka vënë re se në varrezat e qytetit hapen gropa pa pasur njerëz të vdekur.

Ky skandal ka bërë që shtetasi Arben Polisi të drejtohet në komisariatin e policisë për të denoncuar rastin, pas tentativës së dështuar që pati me bashkinë e qytetit, ku nuk mori asnjë përgjigje.

“Nuk ka asnjë lloj kontrolli, asnjë lloj gjëje. Këtu i kanë shitur varrezat dhe nuk kanë asnjë lloj interesimi. I kam vënë disa herë në dijeni drejtuesit të bashkisë, edhe dje ja dërgova me foto”, – tha denoncuesi, Arben Polisi.

Sipas denoncuesit, shërbimet funerale janë të lidhura me strukturat e bashkisë që merren me hapjen e varreve, dhe përmes ryshfetit i shesin më pas ato tek familjarët e viktimave, të cilët detyrohen të paguajnë për një vend varri që u garanton ligji çdo personi që ndërron jetë.

“Këtu, me oreksin e firmës, punonjësit janë 20 punëtorë; disa mbledhin biskota, disa hapin gropa, dhe disa ndjekin qytetarët nga mbrapa. Për ndonjë të shkoqur, hapin gropa vazhdimisht pa pasur varrime. Pa pasur asgjë, hapin gropat dhe i lënë ashtu. Kjo, besoj se nuk lejohet; jo vetëm besoj, por nuk lejohet as nga ana ligjore dhe as nga ana njerëzore. Gropat e varreve nuk lihen hapur, por këtyre nuk u bën përshtypje, babzia e tyre”, – tha denoncuesi.

Pas këtij skandali, Euronews Albania u interesua në Bashkinë e Kuçovës, ku nënkryetari i saj pranon se janë bërë shkelje nga firma nënkontraktore, por nuk dha një zgjidhje për rastin, duke i lënë përgjegjësitë firmës që ai drejton.

“Para dy ditësh mora një informacion lidhur me hapjen e disa varreve, dhe tek parcela e miratuar nga ana jonë për shërbim funeral. Pasi mora këtë informacion, shkova dhe bëra verifikimin në terren. Pas verifikimit pashë se kishin hapur dy varre, ishin piketuar dhe tre të tjerë për t’u hapur. Thirra kompaninë sipërmarrëse dhe i kërkova shpjegime lidhur me këtë fakt. Më dha disa argumente dhe i kërkova të zbatojnë procedurën ligjore për këtë shërbim. Nuk u binda fakteve që më argumentoi kompania sipërmarrëse; i thashë se do të zbatohet ligji dhe rekomandimet tona në këtë shërbim”, – tha zëvendës kryetari i bashkisë së Kuçovës, Sybi Shehu.

Edhe një varrmihës në varrezat publike të Kuçovës pranon se varret hapen me urdhër nga personat që janë pjesë e kësaj skeme përfitimi.

“I hap ai se nuk ja del dot një varrexhi, është dhe i bën gati dhe ti dali. I thonë ata se kot si hap ai, i thonë ata hapi. Nuk lejohen tashti, tjetri pa vdekur ti hap gropën”.

Vetëm në pak ditë, në varrezat publike janë hapur 8 gropa dhe 3 të tjera janë rrethuar, ndërkohë që nga shërbimet funerale nuk ka njoftime për raste vdekjesh. Ky fakt e bën edhe më të besueshëm denoncimin e qytetarit, i cili dyshon se me vendet e varrimit po bëhet biznes.