Skandali te 'Shefqet Ndroqi', Apeli liron sanitaren dhe infermieren

Foto ilustruese

Gjykata e Apelit liroi nga burgu infermieren dhe sanitaren e Shefqet Ndroqit, të cilat akuzohen për shpërdorim detyre. Ndërsa për dy punonjëset e tjera gjykata vendosi të lërë në fuqi masën arrest me burg.

Apeli vendosi detyrim paraqitje për Sidorela Cela dhe Rukije Hoxhën. Ndërsa për Mira Bushin dhe Sheqerie Koci është vendosur të mospranohet ankimi.

Ndërkohë Gjykata e Tiranës vendosi masën arrest në burg 4 punonjëset.

“Vetë vendimi i gjykatës doli në konkluzionin se nuk kishin bashkëpunuar me Tire Alldervishin. Vendimi i gjykatës është i drejtë”, tha avokatja e tyre në një prononcim për mediat.

Skema e zhvatjes së parave u denoncua nga vajza e një prej pacienteve të shtruara te spitali covid 2 Sanitarja Tire Alldervishaj i kishte marrë familjes së pacientes rreth 8 milionë lekë të vjetra, duke u shtirur si infermiere.

Ajo nuk i kishte bërë asnjë shërbim pacientes. Nga bisedat në telefon, u zbuluan edhe punonjëset e tjera të përfshirë në këtë skemë mashtrimi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm