Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Skenar dhune nesër në protestë? Balliu i përgjigjet Vangjelit: Dhuna nuk e përfaqëson këtë parti

Politiko 10 Korrik 2024, 22:39

Skenar dhune nesër në protestë? Balliu i përgjigjet

Analisti Lorenc Vangjeli ka ngritur dyshime se protesta e nesërme e thirrur nga opozita mund të ketë skenar dhune dhe incidentesh. 

“Incidente të shumta mund të ndodhin nesër. Ka shumë zëra që thonë se të dy palët presin që të ndodhë diçka”u shpreh në studion e Debatit në A2 CNN, analisti Vangjeli, ndërsa sipas tij janë 3 pyetje që duhet të marrin përgjigje në protestën e 11 korrikut.

“Protesta është lajm i mirë për Ramën e përgjumur që duket si në kllapi për lajmet e asaj që pritet se do të ndodhë të nesërmen. Ka një trazirë e tension të madh në Tiranë për atë që supozohet se do të ndodhë nesër. Janë 3 pyetje që duhet të marrin nesër një përgjigje: Si mund të shndërrohet pakënaqësia e qytetarëve në votë për opozitën? Si do të arrijë opozita të përfaqësojë pakënaqësinë e qytetarëve? Dhe çfarë do të ndodhë në të gdhirë të datës 12?”

Zërave për dhunë të deklaruara nga Vangjeli iu përgjigj deputeti demokrat Klevis Balliu, i cili theksoi se “dhunë bën qeveria, qytetarët bëjnë protestë. Ne jemi të qartë se çfarë proteste bëjmë. Dhuna nuk e përfaqëson këtë parti”.

I pyetur sesa do të zgjasë protesta ai tha se kjo është në dorë të qytetarëve dhe varet nga zhvillimi.

Sipas Balliut është jetik edhe lirimi i Sali Berishës, pasi është arrestuar pa prova.

“Rama, Veliaj e Balla është e pamundur të organizojnë zgjedhje në Shqipëri, ku është vërtetuar që kupola e Policisë e ministra e deputetë kanë lidhje me krimin e organizuar. Është jetik lirimi i Sali Berishës për pluralizmin në Shqipëri. Masa e arrestit pa asnjë provë e fakt dhe pa akuzë kjo ka vënë masë arresti ndaj pluralizmit. Në shtet diktatoriale arrestohesh pa prova. Hajdutët si Veliaj, Olsi Rama, Olta Xhaçka e gjithë enturazhi janë kapur në flagrancë për vjedhje”.

 

 

Të fundit