Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Skënder Brataj komenton largimin e Kalos nga Komiteti i Ekspertëve dhe kandidimin e Çomos te PS

Politiko 4 Mars 2021, 14:56

Skënder Brataj komenton largimin e Kalos nga Komiteti i Ekspertëve dhe

Kreu i Urgjencës Kombëtare, Skënder Brataj, ka komentuar largimin e mjekut infeksionit, Tritan Kalo, nga Komiteti Teknik i Ekspertëve, si dhe largimin e Najada Çomos për t’u angazhuar me Partinë Socialiste në zgjedhjet e 25 prillit.

Në një intervistë për “News24”, Brataj tha për Kalon se ai është vendimin i tij, ndërsa shtoi se i vjen keq, edhe pse sipas tij, Shqipëria nuk ka vetëm atë apo Kalon, por edhe profesionistë të tjerë.

Ndërsa përfshirjen e Çomos në politikë, Brataj e sheh si diçka pozitive, teksa tha se politika duhet t’iu japë mundësinë profesionistëve, duke përfshirë edhe mjekët.

Pjesë nga intervista:
-Si e shihni largimin e Kalos nga Komiteti i Ekspertëve?
Brataj: E mora vesh nga mediat dhe nga mesazhi i vetë Prof.Kalos. Zgjedhje personale, por ai kishte shpjeguar disa arsye te statusi i vet, që nga presioni i jashtëm, i brendshëm. Më vjen keq për një profesionist, bashkëpunoja shumë me të dhe do të bashkëpunoj, por besoj është zgjedhje personale. Më vjen keq që nuk do vazhdojë të jetë, se është ndër më të mirët, është i kompletuar, por besoj se Shqipëria s’më ka vetëm mua apo Prof. Kalon, ka dhe të tjerë.

-Fushata elektorale, Najada Çomo largohet, lë profesionin, për t’iu bashkuar politikës… kjo nuk lë një perceptim se politika ndërhyn te ju?
Brataj: Unë kam qenë në lidhje me Shqipërinë gjatë gjithë kohës dhe thosha e them gjithmonë që një politikan i zoti është ai që gjen profesionistë të zotët dhe i shfrytëzon. Edhe tani nëse politika gjen profesionistë, t’i shfrytëzojë. Pse mjekët duhet të rrinë mënjanë. Edhe profesoreshë Najada, vërtet është nga shtyllat e sistemit shëndetësor dhe s’ka për ta abandonuar sido që të shkojë situata. Besoj se edhe në ekipin e saj ka kolegë të zotë dhe nuk besoj se ka lënë gjë mangët për të vazhduar më tej. Kritikun e bëjmë të gjithë shumë mirë. Është e vërtetë që të shfrytëzojnë shumëkush, edhe unë kur kam ardhur kam pasur përplasje, por vetëm duke marrë pjesë ndryshojnë gjërat. Ndryshimi nis te politika, aty është koka.

Të fundit