“S’kisha ndërmend të bëhesha politikan”, Meta flet për "kontratën" me PS: Kur hyn në valle s’del dot

Presidenti Ilir Meta ka treguar si nisi karriera e tij politike.

I pranishëm në forumin “Biseda për tranzicionin”, nën drejtimin e Prof.Asoc.Dr. Belina Budini, Meta tregoi se nuk kishte ndërmend të bëhej politikan, por në vitin ’92 e ndihmoi populli i Skraparit të bëhej popullor.  

“Në vitin 1992, ishte populli i Skraparit i vetmi që votoi majtas. Më ndihmoi të bëhem më popullor, dhe me burgosjen e Fatos Nanos, u bëra nënkryetar i PS, kjo më dha më shumë fizibilitet.

Në fakt unë nuk kam pasur ndërmend të bëhem politikan apo President, deputet, ministër. Qëllimi im ishte të ecja më tej me formimin si ekonomist, formimin akademik madje edhe një përpjekje pas ’92, kur u bëra dhe deputeti më i ri, isha 22 vjeç bëra përpjekje për t’u larguar. Dhe kjo ishte kontrata ime me PS pasi nuk pranonte njeri të kandidonte aty. Kisha qëllim të bëja shkollën, por kur hyn në valle s’del dot më. Dhe ja ku jemi”, u shpreh presidenti Meta.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm