Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Skrapar/ Përhapet murtaja e ruminantëve të vegjël, preken 263 bagëti në fshatin Polenë

Politiko 13 Qershor 2025, 15:58

Skrapar/ Përhapet murtaja e ruminantëve të vegjël, preken

Murtaja e ruminantëve të vegjël ka përfshirë dy ferma në fshatin Polenë të Skraparit, duke infektuar plot 263 bagëti, përkatësisht 191 në njërën fermë dhe 72 në tjetrën. Lajmin e ka bërë të ditur Shefi i Sektorit të Veterinarisë në Drejtorinë e Bujqësisë së qarkut Berat, Ilirjan Ramaj, i cili ka deklaruar se është ndërhyrë menjëherë me masa të rrepta për të parandaluar përhapjen e mëtejshme të sëmundjes.

“Të dy fermat janë futur në karantinë. Është përcaktuar një ‘zonë e kuqe’ me rreze 3 km dhe janë ngritur pika kontrolli me ndihmën e Policisë, për të ndaluar çdo lëvizje të kafshëve të imëta. Ndalohet rreptësisht çuarja e tyre nga një fermë në tjetrën apo drejt kullotave”, tha Ramaj.

Sipas tij, në bashkëpunim me shërbimin veterinar është nisur inventarizimi i fermave në zonë, ndërsa një perimetër 10 km përreth vatrës së infeksionit është vënë nën monitorim të përforcuar. Pritet që në ditët në vijim të nisë procesi i eliminimit të kafshëve të prekuara, në bazë të një urdhri zyrtar që do të lëshohet nga Ministria e Bujqësisë.

Murtaja e ruminantëve të vegjël është një sëmundje shumë ngjitëse, që prek vetëm kafshët dhe përhapet nëpërmjet kontaktit direkt mes tyre. Ajo shfaqet me lotim të syve, diarre, temperaturë të lartë deri në 42 gradë, plagë në gojë, dhe brenda pak ditësh çon në ngordhje.

Në këtë situatë, Ramaj i ka bërë thirrje të gjithë fermerëve të qarkut të Beratit që të tregohen të kujdesshëm dhe të njoftojnë menjëherë autoritetet veterinare, nëse vërejnë simptoma të dyshimta te bagëtitë. Ai u ka kërkuar gjithashtu të ndalojnë çdo formë të lëvizjes së kafshëve, pasi shtegtimi në këtë fazë mund të përhapë më tej sëmundjen.

Të fundit