Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

SKY ECC çmonton organizatën shqiptaro-italiane të trafikut të kokainës, 14 të arrestuar

Politiko 27 Maj 2025, 19:15

SKY ECC çmonton organizatën shqiptaro-italiane të trafikut

Një operacion i gjerë antidrogë ka çuar në çmontimin e një rrjeti kriminal italo-shqiptar që trafikonte kokainë nga Kolumbia drejt Evropës. Lajmi u konfirmua sot nga autoritetet belge, të cilat njoftuan arrestimin e 14 personave dhe kryerjen e 11 kontrolleve në kuadër të këtij hetimi ndërkombëtar.

Hetimet nisën që në vitin 2022, pasi policia belge arriti të përgjonte të dhëna të dyshimta përmes aplikacionit të mesazheve të koduara Sky ECC, që më herët është përdorur nga grupe të strukturuara kriminale për të shmangur ndjekjen policore.

Operacioni u koordinua nga Karabinierët e Borgo San Lorenzo në Itali, ndërsa më pas u përfshi edhe Europoli në bashkëpunim me rrjetin ndërkombëtar @ON, i financuar nga Bashkimi Evropian dhe udhëhequr nga Drejtoria Italiane Antimafia (DIA).

Sipas të dhënave hetimore, bëhej fjalë për dy organizata kriminale që bashkëpunonin ngushtë:

Grupi shqiptar ishte përgjegjës për kontaktet me furnizuesit në Kolumbi dhe importimin e kokainës nëpërmjet porteve të Antverpit (Belgjikë) dhe Le Havre (Francë).
Grupi italian, me qendër në rajonin Brabant Wallon, merrej me përpunimin e kokainës në një laborator të specializuar dhe shpërndarjen e saj nëpër Itali, Gjermani dhe Holandë, duke përdorur automjete të modifikuara.
Hetimi zgjati 684 ditë, me mbi 15,500 orë punë, dhe përveç arrestimeve, çoi edhe në zbulimin e një skeme të sofistikuar pastrimi parash.

Ndër rezultatet më të mëdha të operacionit është sekuestrimi i 667 kilogramëve kokainë në portin francez të Le Havre, që ishte një nga pikat kyçe të trafikimit të substancave narkotike.

Autoritetet vlerësojnë se ky operacion është një shembull i suksesshëm i bashkëpunimit ndërkombëtar në luftën kundër krimit të organizuar, duke nënvizuar rëndësinë e shkëmbimit të informacionit dhe veprimit të koordinuar ndërmjet vendeve të BE-së.

Të fundit