“S'më shkarkojnë dot”, Meta: Pse nuk shkova në ‘Kushtetuese’, pas 20 vitesh do marr mandatin e dytë si president

Presidenti i Republikës, Ilir Meta është shprehur i sigurt se Gjykata Kushtetuese nuk e shkarkon dot.

Duke folur në News24, Meta tregoi edhe arsyet se përse nuk mori pjesë në seancën e Gjykatës Kushtetuese.

“Nuk shkova në Gjykatën Kushtetuese, sepse kjo nuk është një çështje e rëndësishme. Unë kam shkuar në Gjykatën Kushtetuese, për çështjen e Teatrit Kombëtar, për të ndaluar dhunën policore ndaj qytetarëve”, tha Meta.

Kreu i Shtetit bëri të ditur se tek ky parlament jane vetem 40 deputetë që kanë shprehur vullnetin për ta shkarkuar dhe nga 9 anëtarët e Komisionit Hetimor sot eshte vetem nje deputet ne parlament.

Ai u shpreh se përgjigjet për 72 pyetjet e Gjykatës Kushtetuese do te publikohen me shkrim para qytetareve.

“Këta vendosën të shkarkojnë Presidentin, nga Parlamenti atëherë të ai aktuale sa deputete janë nga ata që kanë votuar për shkarkim? 40 deputetë kanë shprehur vullnetin e tyre për të shkarkuar Presidentin.

Nga 9 veta që kishte komisioni hetimor në atë kohë, tani është vetëm një deputet.

Presidenti ka kërkuar që kjo cështje të trajtohet sa më shpejt në Gjykatë Kushtetuese që në mandatin e kaluar.

Unë tani i jam drejtuar popullit shqiptar.

Gjykata Kushtetuese ka bërë 70 pyetje për Kuvendin dhe 72 për Presidentin. Ne do ta japim përgjigje me shkrim. Ky është një proces historik, sepse ka të bëjë me një precedent për të ardhmen dhe jo për fatin e Ilir Metës. Nuk më shkarkon dot njeri mua”, tha Meta.

Kreu i Shtetit u shpreh i bindur se pas 20 vitesh do marrë një mandat te dyte si President

“Jam i bindur se pas 20 vitesh do marr nje mandat te dyte si President Presidenti Meta: Pyetjet që do të bëhen do të marrin të gjitha përgjigje shteruese.

Për fat të keq në Gjykatën Kushtetuese, pjesëmarrësit u  caktuan pa short dhe kjo është në shkelje të Kushtetutës. Unë nuk mund të bëhem palë e kësaj shkelje”, tha Meta.