Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Socialistët dhunuan aktivistët e PD-së me qyta armësh, policia e raporton si konflikt të çastit

Politiko 10 Maj 2023, 09:04

Socialistët dhunuan aktivistët e PD-së me qyta armësh,

Një incident u shënua mbrëmjen e djeshme në Pukë, mkonkretisht në Njësinë Administrative Fierzë të Bashkisë Fushë-Arrëz, ku përfaqësues të Partisë Socialiste ndaluan dhe dhunuan aktivistët demokratë.

Koalicioni “Bashkë Fitojmë” në një deklaratë mbi ngjarjen tha se pjesë e bandës së armatosur të socialistëve ishte drejtori i HEC Fierzë, Vasil Muslija, me djalin e tij Zamir Sadiku. Sipas BF, të dy dhunuan katër aktivistët e koalicionit Besmir Nika, Bledar Nika, Ndue Deda dhe Ridvan Kuka duke i qëlluar me qytë armësh.

“Në fshatin Mzi, Njësia Administrative Fierzë e Bashkisë Fushë Arrëz, një bande e armatosur me në krye Drejtorin e HEC-it Fierzë, kriminelin elektoral Vasil Muslija me të birin dhe shtetasin Zamir Sadiku, kanë ushtruar dhunë me armë kundër katër aktivistëve të Partisë Demokratike. Të tre banditët me spaleta pushteti, përfaqësues të PS-së së Pukës, pasi i kanë ndaluar në rrugë makinën ku ishin Besmir Nika, Bledar Nika, Ndue Deda dhe Ridvan Kuka, veprimtarë të opozitës i kanë qëlluar me qyta armësh pistoletë. Sipas raportimeve nga terreni, nga spitali dhe nga përfaqësues të koalicionit “Bashkë Fitojmë” në Pukë, si pasojë e dhunës ka mbetur i plagosur rëndë shtetasi Besmir Nika, dhe me plagë më të lehta vëllai i tij, Bledari”, deklaroi koalicioni BF.

Por, Policia e Shtetit në një njoftim zyrtar deklaron se ka qenë një konflikt i çastit dhe jo dhunë me qëllim ndaj aktivistëve. Policia thotë se pas njoftimit dhe verifikimeve, është vënë në lëvizje Prokuroria.

“Policia ka marrë njoftim se në aksin rrugor rural Miliska-Dardhë, në vendin e quajtur “Lumi i Mziut”, kishte ndodhur një konflikt mes disa shtetasve. Nga deklarimi i dhënë nga shtetasi B. N., (i dëmtuar), dyshohet se:

Shtetasi V. M., së bashku me djalin e tij, shtetasin R. M., dhe shtetasin S. S., banues në fshatin Fierzë, gjatë një konflikti të çastit, për motive të dobëta, dyshohet se kanë goditur me grushte dhe me sende të forta, shtetasin B. N.

Shtetasi B. N., si pasojë e konfliktit është dëmtuar lehtë, dhe pas ndihmës mjekësore në Spitalin Rajonal Shkodër, ka dhënë deklarim në Drejtorinë Vendore të Policisë Shkodër.

Shërbimet e Policisë kanë shoqëruar në Komisariatin e Policisë Pukë, autorët e dyshuar, shtetasit V. M., R. M., dhe S. S., dhe nën drejtimin e Prokurorisë po kryhen veprime procedurale. Vijojnë veprimet hetimore për sqarimin e plotë të rrethanave të ngjarjes”, njofton policia.