Flash News

Abuzim në Doganën e Kapshticës, procedohen penalisht 6 zyrtarë

Aksident në Kërçovë-Gostivar, 3 të vdekur, 8 të plagosur

Posta e mëngjesit/ Me 2 rreshta: Çfarë pati rëndësi dje në Shqipëri

Sherr në varrezat e Durrësit, plagosen babë e bir

Aksidentohet për vdekje një grua në Tapizë, pranga shoferit 33-vjeçar

E-TJERA

Sonte pritet të ekstradohet në Tiranë ish-kreu i bandës së Durrësit, Lulzim Berisha

Politiko 18 Mars 2025, 19:05

Sonte pritet të ekstradohet në Tiranë ish-kreu i bandës

Pas 1 viti e 3 muaj nga arrestimi në Spanjë, ish-kreu i bandës së Durrësit, Lulzim Berisha, do të ekstradohet këtë të martë në orën 23:15 në Tiranë. Ai pritet të mbërrijë në Rinas gjatë orëve të mbrëmjes.

Lulzim Berisha kishte kundërshtuar ekstradimin në Shqipëri për 15 muaj, por e humbi betejën ligjore në Spanjë. Ai u kap atje i transformuar, me mjekër të bardhë, tatuazhe në duar dhe duke përdorur një identitet bullgar.

Ishte shpallur në kërkim nga autoritetet shqiptare që nga viti 2020 për përfshirjen në vrasjet e Vajdin Lames dhe Klodian Saliut në vitin 2005. Ndërsa çështja për Lamen u pushua për mungesë provash, ai është ende në kërkim për vrasjen e Klodian Saliut, i cili u qëllua për vdekje në rrugën Durrës-Maminas, në fshatin Koxhaj.

Lulzim Berisha ishte dënuar më parë me burgim të përjetshëm për vrasje, pjesëmarrje në organizatë kriminale dhe trafikime ilegale gjatë viteve 1998-2000. Dënimi i tij u ul në 25 vjet burgim nga Gjykata e Lartë në vitin 2014, por dy vite më pas, Apeli i Durrësit e liroi, duke ia falur 5 vite dënimi për sjellje të mirë.

Në vitin 2021, Gjykata e Lartë rrëzoi vendimin e Apelit dhe urdhëroi rikthimin e tij në qeli për të vuajtur pjesën e mbetur të dënimit. Në janar të vitit 2022, Prokuroria e Durrësit e shpalli Berishën në kërkim.

Tashmë, pas ekstradimit të tij në Shqipëri, Lulzim Berisha do të përballet me dënimin për vrasjet e vitit 2005 dhe përfundimin e dënimit të mbetur.

Të fundit