Flash News

Tiranë/ I riu dhunohet brutalisht dhe merret peng

Përfaqësues të SHBA dhe OSBE marrin pjesë në meshën për Papa Françeskun në Katedralen "Shën Pali"

Aksident në aksin Fier-Levan, furgoni përplas motomjetin, një i plagosur

I dënuar për fshehje pasurie, GJKKO konfiskon apartamentin e ish-kreut të Kushtetueses, Bashkim Dedja

Dështon votimi i parë për zgjedhjen e drejtorit të RTSH

E-TJERA

Sot Angli-Shqipëri, priten 20 mijë shqiptarë në stadium

Politiko 21 Mars 2025, 10:31

Sot Angli-Shqipëri, priten 20 mijë shqiptarë në stadium

Në mbrëmje duke nisur nga ora 20:45 nis për Shqipërinë ëndrra e Botërorit amerikan. Shqiponjat kuqezi sfidojnë tre luanët anglez në “Uembli” të mbushur  plot në sfidën e parë të kualifikueseve.

Trajneri Sylvinho beson tek ekipi dhe tek surprizat , para debutimit ka shqetësimin e Ismajlit dhe Kumbullës, të cilët janë ende në dyshim për ‘tre luanët’.

Trajneri i kombëtares, para se skuadrat të zbresin në fushë, refuzon të zbulojë detaje rreth formacionit.

“Do të jetë një ndeshje shumë e vështirë sepse do përballemi me një kombëtare që është në mesin e më të mirëve në botë. Futbolli është i pabesueshëm dhe në 90 minuta gjithçka mund të ndodhë. Me Anglinë nuk mund të luajmë një kundër një, por si ekip mund ta përballojmë. Nuk do të mendojmë vetëm për mbrojtjen, por diçka speciale edhe në sulm”, shprehet Sylvinho, trajner i kombëtares.

Në Uembli skuadra dje zhvillojë edhe seancën e fundit stërvitore dhe lojtarët janë gati e të motivuar.

Sa i përket formacionit Shqipëria pritet të luajë me Strakoshën në portë në mbrojtje me Balliun, Ajetin, Gjimshitin e Alijin. Asllani e Ramadani në mesfushë, Laci Asani e Bajrami pak përpara tyre dhe në sulm një mes Manajt e Uzunit.

Ne letër dhe sipas koeficientëve Anglia është superfavorite, por Thomas Tuchel, trajneri i 3 luanëve që debuton kundër Shqipërisë, nuk i nënvlerëson kuqezinjtë.

Uembli pritet të vishet kuqezi pasi tifozët e Shqipërisë mund të jenë deri në rreth 20 mijë shpërndarë në të gjithë sektorët.

Në 6 ndeshje direkte Anglia na ka mundur gjithmonë dhe e fundit e luajtur tre vite më parë shkoi në favor të tre luanëve 5-0. Drejtësi do të vendosin arbitra spanjollë me kryesor Alejandro Fernanndez.

Për herë të parë pas 21 vitesh, zyrtarisht nuk do të ketë më grupime, apo bileta të rezervuara, si në rastin e TKZ, vendim ky që nuk u pritet mirë nga ky grupim, duke e konsideruar hakmarrje ndaj tyre, për qëndrimet që ky grupim ka mbajtur së fundmi.

FSHF ndërkohë ka reaguar duke u shprehur se ky sistem është vendosur për të garantuar një proces të hapur dhe të drejtë, ku çdo tifoz ka mundësi të barabartë për të qenë pjesë e mbështetjes së Kombëtares.

Të fundit