Flash News

Arrestohet babai i kandidates së PSD në Fier, policia: Bleu vota për të bijën

Kanosje për një votë, nënkryetari i partisë nën hetim nga SPA

PD-ASHM kryeson në Kukës pas numërimit të 71 kutive

BIRN: Krimi i organizuar “orientoi” votën në Durrës

Vijon numërimi në Tiranë, ja si ndahen votat dhe mandatet deri tani

E-TJERA

Sot dhe nesër Samiti i BE-së/ Shpresat janë “shuar” për Shqipërinë, mesazhi i Varhelyi para nisjes së takimit

Politiko 23 Qershor 2022, 09:13

Sot dhe nesër Samiti i BE-së/ Shpresat janë “shuar”

Sot dhe nesër do të mbahet Samiti i BE-së, ku do të vendoset nëse do të çelen apo jo negociatat për Shqipërinë dhe Maqedoninë e Veriut, për liberalizimin e vizave për Kosovën dhe për dhënien e statusit të vendit kandidat për Ukrainën dhe Moldavinë.

Kryeministri Edi Rama do të shkojë në Bruksel, aty ku ka mbërritur edhe presidentja e Kosovës Vjosa Osmani. Të dy liderët shqiptarë janë pesimistë se BE do të çelë negociatat apo të heqë vizat.

Procesi i anëtarësimit mbetet në ngërç, pasi një ditë më parë u rrëzua  qeveria bullgare, e cila ka vendosur veton ndaj Maqedonisë së Veriut.

Teksa pritet që të nisë Samiti ka ardhur një mesazh nga Komisioneri për Zgjerim, Oliver Varhelyi.

Ky i fundit thekson se BE i merr shumë seriozisht shqetësimet bullgare, ndërkohë që pritet që Bullgaria të miratojë propozimin për Maqedoninë e Veriut. Mes të tjerash ai i bëri thirrje palëve të përmbushin angazhimin e tyre.

“Ne i bëjmë thirrje Parlamentit dhe të gjitha palëve që të përmbushin angazhimin e tyre dhe ta vendosin propozimin në dhe në axhendën e Kuvendit për miratim sot siç është propozuar. Opozita e Boyko Borissov tashmë ka treguar lidership duke e hedhur propozimin në tryezë.

Ne kemi nevojë që të gjithë të bëjnë të njëjtën gjë. BE-ja duhet të lëvizë. BE i merr shumë seriozisht të gjitha shqetësimet bullgare dhe tani ato janë pjesë e procesit të negociatave. Momenti për vendime të përgjegjshme është tani. Ballkani Perëndimor duhet të jetë pjesë e Bashkimit tonë Europian. Së bashku do të jemi më të forte”, shkruan Varhelyi.

Të fundit