Sot ndeshja Tirana-Dinamo, rrugët që do të bllokohen në kryeqytet

Policia ka njoftuar planin e masave të marra në kuadër të zhvillimit të ndeshjes Tirana-Dinamo, që do zhvillohet sot në orën 19:45, në stadiumin “Air Albania”.

Segmentet rrugore që do të jenë të bllokuara, nga ora 16:00 deri në përfundim të ndeshjes, janë:

-Rruga “Lek Dukagjini” përreth stadiumit,

-Rruga “Dervish Hima”

-Rruga “Gjergj Filipi”

-Rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania”

-Bulevardi “Dëshmorët e Kombit”, nga presidenca deri te sheshi “Nënë Tereza”.

Rrugët që do të bllokohen derisa të kalojnë tifozët janë:

-Bulevardi "Dëshmorët e Kombit" - Rruga “Bajram Curri” - Rruga “Papa Gjon Pali II” – stadium për tifozët e Dinamos

-Pallati i Operas – bulevardi "Dëshmorët e Kombit" - Sheshi ”Nënë Tereza”- rruga “Lek Dukagjini” – stadium për tifozët e Tiranës

Policia do të ushtrojë kontrolle ndaj tifozëve para hyrjes në stadium për sende të kundërligjshme (si armë, sende të forta, bidonë uji, çadra, çelësa metalik apo lëndë piroteknike etj).

Nuk do të lejohen të futen në stadium të gjithë ata tifozë të cilët në aktivitete të ndryshme sportive janë të identifikuar nga Policia, si tifozë problematikë.