Flash News

Departamenti i Shteti 'rrëzon' non grata-n: Berisha mund të vijë në Amerikë. Çfarë do të thotë, dhe pse u mor vendimi pak ditë para 11 majit?/ E SHPJEGUAR

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

E-TJERA

Sot në Elbasan mblidhet qeveria e Shqipërisë dhe e Kosovës/ 16 marrëveshje për të firmosur, axhenda

Politiko 26 Nëntor 2021, 08:19

Sot në Elbasan mblidhet qeveria e Shqipërisë dhe e Kosovës/

Ditën e sotme dy qeveritë, Shqipëri-Kosovë do të mblidhen në Elbasan, në takimin e radhës që synon thellimin e bashkëpunimit mes dy shteteve shqiptare.

Kjo është mbledhja e 7-të mes tyre, ndërsa e para daton më 11 janar të vitit 2014. Në takimin e sotëm do të nënshkruhen 16 marrëveshje për bahshkëpunim në fusha të ndryshme.

Të vlerësuara të rëndëishme janë marrëveshjet për lehtësimin e lejeve të qëndrimit dhe njohjen e sigurimeve shoqërore për qytetarët nga Kosova që zgjedhin të jetojnë në Shqipëri dhe anasjelltas.

Sipas agjendës në orën 09:45 mbërrin delegacioni i Republikës së Kosovës. Në orën 10:00 zhvillohet ceremonia e pritjes së kryeministrit Albin Kurti dhe homologut Edi Rama.

Më pas do të vijohet me luajtjen e himneve kombëtare dhe nderimet ushtarake, ndërsa në orën 10:10 zhvillohet çelja e sesionit plenar të mbledhjes së dy qeverive Shqipëri-Kosovë.

Në orën 11:20 zhvillohet ceremonia e nënshkrimit të marrëveshjeve ndërqeveritare dhe në 11:30 do të  mbahet konferenca e përbashkët për shtyp e dy kryeministrave.

Sakaq në orën 13:10 nis forumi i Biznesit Shqipëri–Kosovë, ku do të ketë bashkëbisedim mes kryeministrit të Shqipërisë, Edi Rama dhe kryeministrit të Kosovës, Albin Kurti me përfaqësuesit e bizneseve.

Kjo mbledhje vjen pasi raportet mes Tiranës zyrtare dhe Prishtinës përgjatë kësaj periudhe kanë qenë dhe të vështira për shkak të qëndrimeve të ndryshme për "Open Balkan".

Teksa kjo nismë është mbështetur fuqishëm nga kryeministri Edi Rama, po kaq fuqishëm është kundërshtuar nga homologu Albin Kurti, i cili është shprehur se "Open Balkan" është kundër interesave të Kosovës.

Të fundit