Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

SPAK lexon pretencën ndaj Vangjush Dakos, ish-kryebashkiaku nuk merr pjesë

Politiko 12 Nëntor 2024, 15:10

SPAK lexon pretencën ndaj Vangjush Dakos, ish-kryebashkiaku nuk merr

Ka nisur seanca gjyqësore në ngarkim të Vangjush Dakos dhe 3 personave të tjerë.

Në këtë seancë, Prokurori i SPAK, Sotir Kllapi, do të paraqesë pretencën për ish-Kryebashkiakun e Durrësit, hetimi ndaj të cilit ka nisur në 2020.

Dako nuk ishte i pranishëm në seancë, ndërsa ndodhet në masën e sigurisë “arrest shtëpie”. Nuk janë të pranishëm edhe Shyqyri Farruku dhe Ardian Bulku.

Dako akuzohet se ka kryer veprën penale “shpërdorim detyre”, në dy raste. Njëri rast, ka të bëjë me ndërtimin e një pallati në Durrës 11 vite më parë, i cili u shemb nga tërmeti në nëntor të vitit 2019 dhe rasti tjetër ka të bëjë me një tender për ndërtimin e një shëtitoreje në vitet 2014-2015, që i ka shkaktuar buxhetit të shtetit një dëm prej 18 milionë lekë.

Vangjush Dako u arrestua më 6 qershor të vitit të kaluar me urdhër të Prokurorisë së Posaçme nën dyshimet se ka kryer veprën penale të “shpërdorimit të detyrës” kryer në bashkëpunim, në dy raste.

Rasti i parë lidhet me një objekt që sipas hetimeve ka ndërtuar disa kate pa leje, të legalizuara me procedura që dyshohen jo të rregullta. Objekti pësoi dëmtime të konsiderueshme nga tërmeti i 26 nëntorit 2019. Pas kësaj, për çështjen pati një kallëzim nga banorët e këtij pallati. Dako akuzohet dhe për një procedurë tenderimi, vlera e të cilit sipas hetimeve, është fryrë artificialisht nga Bashkia Durrës. Kallëzimi për parregullsi në këtë tender është bërë nga ish-kreu i PD-së Durrës, Ferdinand Xhaferraj.

Vangjush Dako kreu 9 muaj paraburgim, teksa la qelinë më 27 shkurt 2024 pasi skaduan afatet e paraburgimit dhe ndaj tij u caktua masa arrest shtëpie. Vlen të theksohet fakti se Vangjush Dako është person i shpallur “non grata” nga Departamenti Amerikan i Shtetit.

Vlen për t’u theksuar fakti se për çështjen e Dakos aktualisht nuk ndodhet asnjë person në burg. I fundit që u lirua ishte Fatmir Ejupi, punonjës i Urbanistikës në Bashkinë Durrës, në këmbim të garancisë pasurore prej 700 mijë lekësh.

Të fundit