Flash News

Aksion kundër lojërave të fatit, një i arrestuar në Elbasan, procedohen 2 punonjës policie

Tiranë/ Procedohet 26-vjeçarja, dhunoi një fëmijë në kopsht

U la në burg pa afat, shoferi i betonieres në gjykatë: Tentova të hap dyert e makinës së djegur, por…

Aksidenti me 4 viktima, Gjykata lë në burg shoferin 24-vjeçar të betonieres

Operacioni në Korçë, policia jep detaje: 10 të arrestuar, 3 prej tyre pronarë lokalesh

E-TJERA

SPAK operacion për persona të përfshirë në krimin e organizuar, BIRN: Po kryhet në zona të ndryshme të vendit

Politiko 17 Maj 2024, 17:49

SPAK operacion për persona të përfshirë në krimin e

Prokuroria e Posaçme kundër Korrupsionit dhe Krimit të Organizuar, SPAK mësohet të jetë duke kryer prej mëngjesit të të premtes një operacion të shtrirë në disa qarqe të vendit për ekzekutimin e urdhër-ndalimeve ndaj personave të përfshirë në krimin e organizuar, të dyshuar si autorë të ngjarjeve të rënda. Deri pasditen e të premtes më 17 maj, burime nga SPAK pohuan për BIRN se operacioni është ende duke u zhvilluar me qëllim ekzekutimin e vendimeve të gjykatës, si dhe për sigurimin e provave të reja gjatë kontrolleve. Sipas SPAK, në përfundim të operacionit në orët në vijim, publiku do të informohet për të dhënat e këtij hetimi, që mësohet se bazohet në të dhënat e siguruara nga autoritetet e drejtësisë franceze prej përgjimeve të platformave të koduara SKY dhe EncroChat.

Bazuar në të njëjtat burime, SPAK finalizoi një operacion tjetër në korrik të vitit 2023, duke vendosur në pranga biznesmenin Pëllumb Gjoka, i shpallur nga qeveria “Rama” si investitor strategjik, dy zyrtarë të Policisë së Shtetit, një prej të cilëve Oltion Bistri, ish-shefi i Drejtorisë së Forcës Operacionale, prokurori i Kukësit Xhevahir Lita, si dhe persona të tjerë.

Projekti “strategjik” i Gjokës planifikonte investimin e 52 milionë eurove në një zonë të virgjër në plazhin e Velipojës në Shkodër, në shkëmbim të së cilit, shteti shqiptar angazhonte burimet e taksapaguesve për të siguruar furnizim me ujë, drita, kanalizime e shërbime të tjera publike. Por dosja htimore e ardhur nga Franca në drejtësinë shqiptare, bëri që ai të arrestohej si figurë kyçe e një grupi të krimit të organizuar, përgjegjës për vrasje dhe porositje atentatesh si dhe për korrupsion aktiv të zyrtarëve publikë.

Të dhënat e konstatuara nga këto hetime për përfshirjen e zyrtarëve të policisë në krimin e organizuar, u bë shkak për përfshirjen në formularët e vetëdeklarimit për policinë të një pyetjeje në lidhje me përdorimin e aplikacioneve të mesazheve të koduara ose të sigurta SKY dhe Encrochat.

Etiketa: CEZGjykatëInvestitor strategjikKorrupsionKorrupsion aktivOltion BistriPëllumb GjokaProkuroriaProkuroria e PosaçmeProkuroria e Posaçme kundër Korrupsionit dhe Krimit të Organizuar SPAK Xhevahir Lita. Reporter.al

 

 

 

 

Të fundit