Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

"SPAK refuzon provat", gazetarja: Ka dokumente që lidhin Veliajn me një njësi të posaçme për lejet e ndërtimit

Politiko 6 Shkurt 2025, 22:57

"SPAK refuzon provat", gazetarja: Ka dokumente që lidhin Veliajn

Gazetarja Ola Xama foli mbi hetimet e SPAK ndaj kryebashkiakut Erion Veliajt, duke thënë se ka parë dokumente faktike që e lidhin atë me një njësinë të posaçme që identifikonte çdo leje ndërtimi dhe çdo projekt ndërtimi që hapej në Tiranë.

E ftuar në MCN, Xama tha se këto dokumente përshkruajnë mënyrën se si, kur nuk lidhej një akt marrëveshje me kompaninë Integrated Energy, skuadra e Mërtirit dhe Zotos, informonin Bashkinë për të ndjekur ndërtuesit dhe për t’i gjobitur ata.

Sipas saj, SPAK refuzon të shqyrtojë këto prova.

"U duk që hetimet e SPAK lidhur me pasurinë e zotit Veliaj ishin intensive që pas kontrolleve të datës 6 dhjetor. Shohim se ka një zbehje. Por unë jam kundër hetimit të individit si emër. Jam gjithmonë pro hetimit të veprave korruptive që sjellin dëme kolosale për buxhetin e taksapaguesve.

Këtu dua të ndalem te inceneratori. Afera me dherat në Bashkinë e Tiranës, në bashkëpunim me pronarët de jure dhe de facto, Mërtiri dhe Zoto, e implikon kryetarin e Bashkisë së Tiranës. Sipas burimeve konfidenciale, kam parë dokumenta që e vërtetojnë, ishte ngritur një njësi e posaçme që identifikonte çdo leje ndërtimi dhe çdo gropë pallati që hapej në territorin e Bashkisë së Tiranës. Kur nuk lidhej akt marrëveshje me Integrated Energy, skuadra e Mërtirit dhe Zotos, njoftonin Bashkinë për të shkuar dhe për të gjobitur ndërtuesit.

 Çdo gjë ishte e organizuar, të gjitha fijet të çojnë te kryetari i Bashkisë së Tiranës. U bënë katër vjet. Nuk mund të ndodhte pa një koordinim nga lart. SPAK refuzon të shohë provat dhe të hetojë", tha Xama. 

 

 

Të fundit