Flash News

Merr flakë makina pranë stacionit të trenit në Durrës

E akuzuar për përndjekje, arrestohet ish-drejtoresha e spitalit të Dibrës

Pse iu ka mërzitur kaq shumë fushata e Berishës?

Fushatë brenda shkollës, Zegjineja e Roskovecit kallëzohet në KQZ

Dhunë ndaj një 14-vjeçari në Komisariat?/ Komiteti i Helsinkit ngre alarmin: U godit me grushta, policia nuk e çoi tek mjeku! Të hetohet

E-TJERA

SPAK regjistron 23 procedime për krime zgjedhore

Politiko 23 Prill 2025, 19:00

SPAK regjistron 23 procedime për krime zgjedhore

Në Prokurorinë e Posaçme janë depozituar 26 kallëzime penale për krime të dyshuara zgjedhore që mendohet se lidhen me zgjedhjet e 11 majit, ndërkohë që SPAK ka regjistruar prej tyre 23 procedime penale.

Sipas përgjigjes të dërguar nga SPAK, pas një kërkese për informim që BIRN i drejtoi lidhur me kallëzimet dhe hetimet për krimet zgjedhore, rezulton se një prej kallëzimeve është depozituar gjatë periudhës tetor-dhjetor të vitit 2024, ndërsa 25 të tjerë nga muaji janar e në vijim.

Ndërkohë, SPAK bën me dije se ka filluar hetimin për vepra penale që lidhen me zgjedhjet ndaj tre personave. Për asnjë prej këtyre çështjeve nuk është kërkuar kalimi për gjykim.

Prokuroria e Posaçme publikoi më 20 shkurt strategjinë e hetimit dhe parandalimit të krimeve zgjedhore në zgjedhjet e 11 majit. Strategjia tregon synimin e SPAK për të hetuar në kohë reale problemet që lidhen me shit-blerjen e votës, përdorimin e burimeve shtetërore, si dhe përfshirjen e krimit të organizuar në procesin zgjedhor.

Për të mundësuar zbatimin e strategjisë, është ngritur një grup hetimor që do të përbëhet nga një strukturë qendrore dhe grupet hetimore që veprojnë në terren për të monitoruar në kohë reale situatat e dyshuara; që të identifikojnë individët dhe anëtarët e krimit të organizuar të përfshirë në korrupsion në zgjedhje; si dhe për monitorimin e përdorimit të buxhetit, investimeve dhe infrastrukturës publike, të cilat nuk lejohen të kryhen gjatë periudhës zgjedhore nga subjektet e posaçme.

Sipas hulumtimeve të kryera së fundmi nga BIRN, edhe gjatë këtyre zgjedhjeve vazhdojnë problemet me keqpërdorimin e institucioneve dhe administratës publike nga qeveria “Rama”, në shkelje të Kodit Zgjedhor. Reporter.al

Të fundit