Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

E-TJERA

Spartak Koka: Pse u prish miqësia e Talo Çelës dhe Nuredin Dumanit

Politiko 20 Maj 2022, 09:12

Spartak Koka: Pse u prish miqësia e Talo Çelës dhe Nuredin

Talo Çela dhe Nuredin Dumani, dikur miq të ngushtë, tashmë prej vitesh po tentojnë të vrasin njëri-tjetrin dhe rrethin e tyre të ngushtë miqësor.

Gazetari Spartak Koka ka rrëfyer në studion e “Opinion” se si u prish miqësia mes dy të shumëkërkuarve. Koka tha se krisja mes Dumanit dhe Çelës filloi menjëherë pas vrasjes së Andi Zylyfit, djali i hallës së Erion Alibejt, vrasje në të cilën Dumani pohon se është ndjerë i përdorur.

Bëhet fjalë për një mjet Mercedes – Benz E Class të cilin ia kishin dhuruar Dumanit, por Talo Çela ia kishte kërkuar me urgjencë për vrasjen e Zylyfit me premtimin se do t’ia zëvendësonte, gjë që nuk ndodhi.

“Ne kemi bërë pyetje vazhdimisht gjatë këtyre viteve përse është prishur miqësia e Nuredin Numanit me Talo Çelën, dy shok të ngushtë dhe ai jep sqarimin në këtë dëshmi. Pas vrasjes së Andi Zylyfit, djalit të hallës së Erion Alibej. Në vitin 2019-të pasi kam dalë nga burgu më ndodhi një konflikt me Talo Çelën pas vrasjes së Andi Zylyfit e ndjeva veten të përdorur për arsyen se Benzi që u përdor për ngjarjen dhe vrasjen mua ma kishin falur. Unë po e mbaja ta shfrytëzoja për një ngjarje tjetër, grabitje ose vrasje dhe këto ma kërkuan duke thënë se i duhej shpejt se do kryenin vrasjen e Andi Zylyfit.

Makina ishte Mercedes – Benz E Class ngjyrë gri të cilën e kam patur te garazhdi. Kjo makinë ka ndryshuar ngjyrë 3 herë tek servisi i Dorjan Shkozës, këtu na lidhet edhe vrasja e Dorjan Shkozës dhe Anxhelo Avdias, të cilët ne i lidhnim vetëm me pjesën e grabitjes së Rinasit. Por në të vërtetë ata kanë qenë pjesë e infrastrukturës së mirëmbajtjes së gjithë aktivitetit kriminal të grupit. Unë i kërkova Talos të merra pjesë në vrasje pasi kisha mbetur pa lekë, por ai më tha nuk të fus dot se është në pjesë Mir Haxhia, një nga vëllezërit që mbeti i vrarë në zonën e Nishtullave dhe Altin Doci, i dyshuar për vrasjen e vëllezërve Haxhia.

Ata kanë marrë kaparin, Talo më tha se do ta zëvendësonte makinën pasi të mbaronte ngjarja. Makinën nuk ma zëvendësoi dhe nuk më dha as lekët që më premtoi. Këtu fillon përplasja e grupeve. Disa ditë më vonë pas ngjarjes po debatoja me Talon se ngjarja kishte ndodhur në Peqin dhe Policia kishte ardhur në Durrës për kontroll tek shtëpia ime, thërritëm edhe vëllain tim, por s’ka lidhje fajin Talo ja vinte Fatos Gosës, informator i lëvizjeve të Andi Zylyfit.

Është bashkëpunëtor tek të gjitha vrasjet që kanë ndodhur në Elbasan duke filluar nga Indrit Dylgjeri, dy vëllezërit Baho dhe Andi Zylyfi. Pas atentatit të Andi Zylyfit i kam shkuar me urdhër të Talo Çelës, Dine Çamit se këtu janë përplasur fizikisht palët”, deklaroi Koka.